ორშაბათს, აუდიტის სამსახურიდან ადმინისტრაციული წარმოების მასალებს გამოვითხოვთ, - ამის შესახებ „პატრიოტთა ალიანსის“ ადვოკატმა ლევან ჩხეიძემ დღეს გამართულ ბრიფინგზე განაცხადა.

პარტიის ადვოკატის თქმით, მცხეთის მაჟრიტარობის კანდიდატის ოჯახი პარტიას მთელი წლის განმავლობაში აფინანსებდა და ამაში უკანონო არაფერია.

„ყველა მასალას გავეცნობით და ამის შემდეგ, ჩვენ პოზიციას ჩამოვაყალიბებთ. აღნიშნული ფაქტის არსებობს ნეგატიურად ვაფასებთ. შემოწირულობები ხორციელდებოდა მთელი წლის განმავლობაში. აქვე აღვნიშნავ, რომ პარტიამ დაფინანსება ბატონი კოკა მორგოშიას ოჯახისგან ჯერ კიდევ მაშინ მიიღო, როდესაც ის კანდიდატად არ იყო დასახელებული. სამართლებრივი თვალსაზრისით ვერ ვხედავ რაიმე დარღვევას. ამ თანხების შემოწირულობა ხდებოდა არჩევნების დანიშნვის თარიღამდე“, - განაცხადა ჩხეიძემ.

როგორც ლევან ჩხეიძემ აღნიშნა, „პატრიოტთა ალიანსის“ წინააღმდეგ 3 სეგმენტი, კერძოდ კრიმინალური, არასამთავრობო და სახელმწიფო სეგმენტი გააქტიურდა.

„ორგანიზაციამ „სამართლიანი არჩევნები“ ჩვენი პარტიის წინააღმდეგ შავი პიარ-კამპანია განახორციელა. მათ გააკეთეს განცხადა, თითქოს „პატრიოტთა ალიანსი“ უსასყიდლო საკვებით ამომრჩრვლის მოსყიდვას ახორციელებდა. აღნიშნული ფაქტის გამო, ჩვენი პარტია სამართლებრივ ქმედებებზე გადავა. მოვამზადეთ სარჩელი, რომელსაც თბილისის საქალაქო სასამართლოს ორშაბათს წარვუდგენთ. სარჩელი შევა „სამართლიანი არჩევნების“ წინააღმდეგ, ცილისწამების გამო. მათ გადაუმოწმებელი ინფორმაცია გაავრცელეს“, - განაცხადა მან.

პარტიის ადვოკატმა არასამტავრობო ორგანიზაციებს მოუწოდა საარჩევნო პროცესში ჩარევისგან თავი შეიკავონ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება