“ნაციონალურ მოძრაობაში” დღემდე ვერ გააანალიზეს და შეაფასეს ის შეცდომები, რაც დაშვებულ იქნა - ამის შესახებ “პაატა ბურჭულაძე - პლატფორმა საქართველო ხალხისთვის” ლიდერმა, გიორგი ვაშაძემ გადაცემა 2030-ში განაცხადა.

მისი თქმით, პოლიტიკური ალიანსის ორივე მხარეს, “ქართულ ოცნებასა” და “ნაციონალურ მოძრაობას” ძალიან შეეშინდა.

“ჩვენ ვართ ძალა, რომელსაც თავისი ხედვა აქვს და, რომელიც ქვეყნის ფეხზე დასაყენებლად გაერთიანდა. ამ გაერთიანების ორივე მხარეს, “ქართულ ოცნებასა” და “ნაციონალურ მოძრაობას” ძალიან შეეშინდა”, - განაცხადა ვაშაძემ.

მისივე განცხადებით, “ნაციონალურ მოძრაობაში” დარჩნენ ადამიანები, რომელთა უმრავლესობას, ქვეყანაში არაფერი გაუკეთებია.

“ “ნაციონალურ მოძრაობაში” დარჩნენ ადამიანები, რომელთა უმრავლესობას, ქვეყანაში არაფერი გაუკეთებია. მაგალითად, დათო ბაქრაძე, რომლის გაკეთებული საქმე არ მახსენდება. მათი მთავარი პრობლემა ისაა, რომ მათ დღემდე ვერ გააანალიზეს და შეაფასეს ის შეცდომები, რაც დაშვებულ იქნა”, - განაცხადა “პაატა ბურჭულაძე - პლატფორმა საქართველო ხალხისთვის” ლიდერმა.

როგორც მან აღნიშნა, ქვეყანას ჰყავს ხელისუფლება, რომელსაც ხალხის პრობლემები არ აინტერესებს.

“დღეს, როცა ქვეყანაში კატასტროფული გაჭირვებაა, გამოდის ქვეყნის ფაქტობრივი მმართველი, ბიძინა ივანიშვილი და ამბობს, რომ თითქოს ყველაფერი კარგადაა, ქვეყანა წინ მიდის და სამუშაო ადგილები იქმნება. არსებობს ხელისუფლება, რომელსაც ხალხის პრობლემები საერთოდ არ აინტერესებს. ეს არის ის მთავარი პრობლემა, რომელიც დღეს არის”, - განაცხადა გიორგი ვაშაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კახა კალაძე „რიყის დოქების“ შესახებ - დამალულად არაფერი ხორციელდება

გვარამია - ნორმად განმარტების იმ სისტემით, რომელსაც მოსარჩელე გვთავაზობს, ასაკრძალი თავად „ქართული ოცნებაა"

იუსტიციის მინისტრი - ფეიქრიშვილი ნამდვილად არ იყო მარტო საკანში

თურქეთმა ორგანიზებული დანაშაულებრივი ჯგუფის 85 წევრი დააკავა, რომლებიც ევროპაში Starlink-ის სადგურებზე თავდასხმებში იყვნენ ჩართულნი