საქართველოს ყოფილმა  პრემიერ-მინისტრმა  ბიძინა ივანიშვილმა GDS-ის  ახალი სატელევიზიო პროექტის ფარგლებში მიმდინარე პირველ გადაცემაში საუბარი დაკარგული ჯარისკაცების ოჯახისთვის მისამძიმრებით დაიწყო.

ივანიშვილმა მომხდარის გამო მწუხარება გამოთქვა და სამხედროების ოჯახის წევრებს  თანადგომა გამოუცხადა:

"მინდა, თავდაცვის სამინისტროს, მთელ საქართველოს  მივუსამძიმრო მომხდარის გამო. პირველ რიგში კი, თანადგომა გამოვუცხადო დაღუპულების ოჯახს",-აღნიშნა ბიძინა ივანიშვილმა.

გონიოში დღეს  დაკარგული სამხედრო მოსამსახურეების საზღვაო წესით დაკრძალვის ცერემონია დღეს  გაიმართება. უწყებაში განმარტავენ, რომ  შავ ზღვაში წვრთნის დროს დაკარგული სამხედრო მოსამსახურეების ძებნის ოპერაცია საბოლოოდ არ ჩერებულა.

მათი განცხადებით,  ძებნის ოპერაციის შეჩერების გადაწყვეტილება თურქეთის სამხედრო საზღვაო ძალების ხომალდის ეკიპაჟმა მიიღო, თუმცა ქართული მხარე ძებნას კვლავ აგრძელებს.

შეგახსენებთ, 16 აგვისტოს გონიოს ყოფილი სასროლეთის ტერიტორიაზე, შავ ზღვაში მიმდინარე წვრთნის დროს, ორი სამხედრო მოსამსახურე კაპრალი იაგო შარაძე და I კლასის რიგითი გიორგი ნანეტაშვილი დაიკარგნენ.

გამოძიებას მთავარი პროკურატურა აწარმოებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს