თბილისის მერიაში გამწვანების თემაზე მერიის წარმომადგენლებს, არასამთავრობო ორგანიზაციებსა და დარგის სპეციალისტებს შორის სამუშაო შეხვედრა მიმდინარეობს

შეხვედრის მთავარი განსახილველი თემაა თბილისის გამწვანებული ტერიტორიებისა და დასასვენებელი ადგილების განვითარებისა და შენარჩუნების საკითხები, ასევე ახალი გამწვანებული ტერიტორიების მოწყობის, მწვანე ნარგავების დაცვის, მოვლისა და აღდგენის ღონისძიებების ჩატარებისას წარმოშობილი სამართლებრივი ურთიერთობების რეგულირების მიზნით სამართლებრივი აქტების პროექტის შემუშავება. 

მხარეები მსჯელობენ ასევე ეკოლოგიისა და გამწვანების საქალაქო სამსახურის სტრუქტურულ რეორგანიზაციასთან დაკავშირებით რეკომენდაციების შემუშავების შესახებ. 

რაც შეეხება „პარტიზანული მებაღეობის“ წარმომადგენლების შეხვედრაზე დასწრებას, შეხვედრაზე სხვადასხვა ორგანიზაციებიდან დაშვებული იყო თითო წარმომადგენელი, თუმცა „პარტიზანული მებაღეობის“ წევრებმა ხუთი წევრის დაშვება მოითხოვეს, რაზეც უარი მიიღეს. 

შეხვედრას ესწრებიან გარემოს დაცვის სამინისტროს სატყეო პოლიტიკის სამმართველოს უფროსის მოადგილე ლაშა ძაძამია; საქართველოს ტექნიკური უნივერსიტეტის პროფესორი გიორგი გაგოშიძე; გულისაშვილის სახელობის სატყეო ინსტიტუტის უფროსი მეცნიერი, გიორგი ქავთარაძე; ასოციაცია ,,ელკანას’’ წარმომადგენელი მანანა გიგაური; კავკასიის გარემოსდაცვითი არასამთავრობო ორგანიზაციების ქსელი CENN-ის წარმომადგენელი მელანო ტყაბლაძე; პროფესიონალთა გაერთიანება ხის მოვლისათვის საქართველოში - დავით სამხარაძე; ლანდშაფტის არქიტექტორთა ასოციაცია ,,კრეატოპიას’’ პრეზიდენტი ნინო შენგელია; უსაფრთხო სივრცის ხელმძღვანელი ანა გაბრიაძე; საკრებულოს გარემოს დაცვის კომისიის თავმჯდომარე შორენა ბუხრაშვილი; საკრებულოს დეპუტატები, რატი იონათამიშვილი და სოსო მანჯავიძე; კავშირი ,,მწვანე სარტყელის’’ დირექტორი გოჩა ამირეჯიბი, ორგანიზაცია ,,ჩემი ქალაქის’’ დირექტორი თეიმურაზ კალანდაძე, საქართველოს ეროვნული ბოტანიკური ბაღის პროფესორი ილია ფალავანდიშვილი. თბილისის მერი, დავით ნარმანია, თბილისის მერის მოადგილე გიგა ნიკოლეიშვილი, ეკოლოგიისა და გამწვანების სამსახურის უფროსი ნინო სულხანიშვილი, იურიდიული სამსახურის უფროსის მოვალეობის შემსრულებელი სოფო გიგანი, შპს ,,თბილსერვის ჯგუფის’’ დირექტორი, ლევან ჯღარკავა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს

უკრაინის შეიარაღებულმა ძალებმა მოსკოვს პუტინის მონაწილეობით გამართული სამიტის დღეს შეუტიეს