საქართველოს პრეზიდენტის გიორგი მარგველაშვილის განცხადებით, არსებული საკანონმდებლო წესით რეფერენდუმის დანიშვნა არაღიარების პოლიტიკას კითხვის ნიშნის ქვეშ აყენებს. 

როგორც პრეზიდენტმა განაცხადა, ის მომხრეა რეფერენდუმის ჩატარების, თუმცა ამან არაღიარების პოლიტიკას პრობლემები არ უნდა შეუქმნას. 

მარგველაშვილი მიიჩნევს, რომ რეფერენდუმის შესახებ კანონში არსებული ფორმულირება შესაცვლელია. 

“რეფერენდუმის შესახებ კანონში წერია, რომ რეფერენდუმი ტარდება საქართველოს მთელ ტერიტორიაზე. არაფერი არ დაუშავდება ჩვენ პატივცემულ კანონმდებლებს, რომ შეცვალონ რეფერენდუმის კანონი, მოიყვანონ შესაბამისობაში არსებულ პრობლემურ ვითარებასთან, რომელიც ჩვენ გვაქვს ოკუპირებულ ტერიტორიებთან მიმართებაში. პოლიტიკოსები ზედაპირულ შეფასებებს აკეთებენ ჩემს განცხადებებზე. რა განსხვავებაა ამ ვითარებაში რეფერენდუმის ჩატარებასა და 2002 წელს ჩატარებულ რეფერენდუმს შორის? მაშინ რუსეთს საქართველოს ტერიტორიაზე 2 დამოუკიდებელ სახელმწიფოდ აფხაზეთი და სამხრეთ ოსეთი აღიარებული არ ჰქონდა. ეს ტრაგიკული და ისტორიული უკუღმართობა, რომელსაც ჩვენ აუცილებლად გამოვასწორებთ2008 წლის აგვისტოს შემდეგ მოხდა. მაშინ ასე მძიმედ არ იდგა არაღიარების პოლიტიკა. არაღიარების პოლიტიკა არის ჩვენი საგარეო პოლიტიკის მთავარი ვექტორი და ამ პოლიტიკას არაფრის დიდებით არ უნდა შევუქმნათ პრობლემები“, - განაცხადა მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

იტალიის პრემიერ-მინისტრი პუტინის G20-ის სამიტზე მიწვევას ეწინააღმდეგება

მედია: ტრამპმა პაკისტანში ირანთან მოსალაპარაკებლად აშშ-ს დელეგაცია არ გაგზავნა

სუს: დავაკავეთ სუს-ის ყოფილი და შსს-ს მოქმედი თანამშრომელი, ბრალი ედება სუს-დან საიდუმლო ინფორმაციის გატანაში

ირაკლი [დაჩი] ბერაია აუდიტის სამსახურის უფროსის პირველ მოადგილედ დაინიშნა