არც ტრანსადრიატიკულ დ არც ტრანსანატოლიურ გაზსადენს არაფერი არ ემუქრება, რადგან კონტრაქტები უკვე ყველაფერზეა გაფორმებული, - ამის შესახებ ჟურნალისტებს საქართველოს პრემიერ-მინისტრმა, გიორგი კვირიკაშვილმა აზერბაიჯანში ვიზიტის დასრულების შემდეგ განუცხადა.

ჟურნალისტის კითხვაზე, იქონიებს თუ არა გავლენას რუსეთსა და თურქეთს შორის მიმდინარე მოლაპარაკებები, სხვა ენერგეტიკულ პროექტებზე, პრემიერ-მინისტრმა აღნიშნა, რომ ყველაფერი დალაგებულია და ამ სურათს არაფერი შეცვლის. 

„უკვე ყველაფერი დაკონტრაქტებულია, როგორც ინფრასტრუქტურის მშენებლობა,  ისე გასატარებელი გაზის მოცულობა, მოპოვებიდან დაწყებული, რეალიზაციით დამთავრებული. ყველაფერი დალაგებულია. ამიტომ, ამ სურთს ვერაფერი ვერ შეცვლის“,- აღნიშნა გიორგი კვირიკაშვილმა.

რაც შეეხება რუსეთისა და თურქეთის შემაერთებელი გაზსადენის საკითხს, პრემიერმა აღნიშნა, რომ ეს საკითხი ჯერ საბოლოოდ გარკვეული არ არის.

"ვნახოთ, როგორ განვითარდება მოლაპარაკებები რუსეთსა და თურქეთს შორის. ჯერჯერობით რაიმე კონკრეტულის პროგნოზირება შეუძლებელია", - განაცხადა გიორგი კვირიკაშვილმა.

ცნობისთვის, საქართველოს პრემიერ-მინისტრი გიორგი კვირიკაშვილი და ვიცი-პრემიერი კახი კალაძე აზერბაიჯანში ოფიციალური ვიზიტით იმყოფებიან. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისის და მეტროპოლის სპეციალური შეთავაზება ემიგრანტებისთვის

კრემლმა განაცხადა, რომ უკრაინასთან ახალი მოლაპარაკებების დაწყება დამოკიდებული იქნება „ბრძოლის ველზე არსებულ სიტუაციაზე“

უკრაინამ რუსეთის ერთ-ერთ უდიდეს ქიმიურ კომპლექსს დაარტყა

უკრაინის მოქალაქეს მონაკოს პრინცის ნათესავის მკვლელობაში ბრალი წაუყენეს