ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას თბილისში „ქართული ოცნების“ მიერ მაჟორიტარი დეპუტატობის კანდიდატების დასახელებას ეხმაურება და აცხადებს, რომ ფეხბურთელმა ფეხბურთელი მოიყვანა კანდიდატად, მსახიობმა მსახიობი, რადგან სხვა  გამოსავალი ვერ ნახეს და სწორედ ეს არის „ქართული ოცნების“ ბუნება.

“ქართული ოცნება“ არის ადამიანთა გაერთიანება, რომელთაც მუდმივად კეთილი სურვილები და ნათელი მომავლის იმედი აქვთ, მაგრამ რეალობაში სხვა რამეს ახორციელებენ. თავიდან პომპეზურად დააანონსეს, რომ საგურამოში პოლიტიკურად უმწიკვლო ახალ სახეებს წარადგენდნენ. მათ ეს გზავნილი გაუშვეს საზოგადოებაში. ამის შემდეგ, მაჟორიტარებთან დაკავშირებით საპირისპირო გზავნილების გაშვება დაიწყეს. რეგიონებში ისეთი მაჟორიტარები დაასახელეს, რომლებიც პარტიიდან პარტიებში დადიოდნენ იმის და მიხედვით თუ ვინ იყო ხელისუფლებაში. რაც შეეხება თბილისს, მათ ვერაფერი მოიფიქრეს და ხან ერთმანეთის ძმაკაცები დაასახელეს და ხან ვინ. ფეხბურთელმა ფეხბურთელი  მოიყვანა, მსახიობმა მსახიობი ანუ საკუთარი საახლობლოთი შეკრიბეს მაჟორიტარი კანდიდატები. ეს არის მათი ბუნება და ვერაფერს იზამ, მე არ მიკვირს ეს ყოველივე“, - განაცხადა ხუხაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი

ვოლსკი ღარიბაშვილის განცხადებას უბადრუკ წერილს უწოდებს