„ვისოლ ჯგუფმა“  თბილისში „დანკინ დონატსის“ მესამე რესტორანი გახსნა და ამავდროულად ახალი პროექტის - საქართველოში სანაყინეების ქსელის „Frost Corner”-ების განვითარება დაიწყო.
როგორც „ვისოლ ჯგუფის პრეზიდენტმა სოსო ფხაკაძემ ჟურნალისტებთან  საუბრისას განაცხადა, დიდი პატივია და ამავდროულად საამაყო, რომ 3 წლიანი მოლაპარაკებების შედეგად  „ვისოლ ჯგუფმა“ შეძლო საქართველოში „დანკინ დონატსის“  შემოყვანა.
„მიმდინარე წლის ბოლომდე ჩვენ  „დანკინ დონატსის“ 15 ახალ რესტორანს გავხსნით და 500-მდე სამუშაო ადგილს შევქმნით. ჩვენ, პირველ რიგში, განსაკუთრებულ მადლობას ვუხდით ჩვენს მომხმარებლებს, რომლებმაც შეიყვარეს „დანკინ დონატსის“ ბრენდი და ხშირად სტუმრობენ ჩვენს რესტორნებს. ჩვენი მომხმარებელები  ბრენდისადმი საკუთარი ერთგულებით  სტიმულს გვაძლევენ „დანკინ დონატსის“ რესტორნების ფართო ქსელი  შევქმნათ მთელს საქართველოში. მეორე მნიშვნელოვანი სიახლე, არის ის, რომ  „ვისოლ ჯგუფი“  დღეიდან იწყებს  საქართველოში ახალი პროექტის განხორციელებას.  „ვენდის“ ბრენდის ქვეშ მომუშავე სანაყინეების ქსელის „Frost Corner”-ების განვითარებას.  “Frost Corner”-ები განსაკუთრებულად გაახარებს ნაყინისა და დესერტების მოყვარულებს, რადგან აქ უნიკალური რეცეპტით, სხვადასხვა არომატითა და ინგრედიენტებით შექმნილი 25 სახეობის ნაყინები, შეიკები და სხვა ნაყინზე დამზადებული პროდუქტები იქნება წარმოდგენილი.  ასეთი მასშტაბური, მსოფლიოში ცნობილი ბრენდების განვითარება საქართველოში მნიშვნელოვნად ზრდის ნდობას ჩვენი ქვეყნისა და მისი ეკონომიკისადმი. „ვისოლ ჯგუფის“ ახალი  პროექტების  დაწყება  ნიშნავს ჩვენს ქვეყანაში ახალ ინვესტიციას და ახალ სამუშაო ადგილებს“,-დასძინა სოსო ფხაკაძემ.
„დანკინ დონატსი“ ამერიკის ერთ-ერთი ყველაზე წარმატებული, ლეგენდარული ბრენდია, რომელიც უკვე თითქმის 65 წელია წარმატების ისტორიას ჰქმნის მთელს მსოფლიოში. „დანკინ დონატსი“ მსოფლიოს 38 ქვეყანაშია წარმოდგენილი. „დანკინ დონატსის“ რესტორნებში მომხმარებელს საშუალება აქვს დააგემოვნოს უგემრიელესი  სენდვიჩების  დიდი ასორტიმენტი, ფუნთუშეული, ცივი და ცხელი სასმელები, უმაღლესი ხარისხის ესპრესო, კაპუჩინო, ლატე, ჩაი და Cooltta-ს პროდუქტები, მაფინები და კრუასანების გამოყენებით შექმნილი სხვადასხვა კერძები და მრავალფეროვანი დონატები.
„ვენდის“ სანაყინეები „Frost Corner“-ები განთავსდება როგორც  „ვენდისა და „დანკინ დონატსის“ რესტორნებში, ასევე დამოუკიდებლად ამ მიზნისთვის სპეციალურად შერჩეულ ადგილებში.
„ვისოლ ჯგუფმა“ ამერიკული რესტორნების უმსხვილეს ოპერატორთან „დანკინ დონატსთან“  ფრანჩაიზინგის ექსკლუზიურ ხელშეკრულებას ხელი 2014 წელს მოაწერა და 2015 წლის ბოლომდე საქართველოში 15“‘დანკინ დონატსის“ რესტორანს გახსნის.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება