წყალტუბოში,  2016 წლის ბოლოს, დევნილთა და განსახლების სამინისტრო 8 ათსართულიანი კორპუსის მშენებლობას იწყებს.  ახალაშენებულ კორპუსებში საცხოვრებელ ფართს 560 დევნილი ოჯახი მიიღებს.

ამის შესახებ „ექსპრესნიუსს“  ლტოლვილთა და განსახლების სამინისტროდან აცნობეს.

უწყების ინფორმაციით, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი  წყალტუბოში მცხოვრებ დევნილ ოჯახებს შეხვდა და მასშტაბური მშენებლობის დაწყების შესახებ ინფორმაცია მიაწოდა.      

 ლტოლვილთა და განსახლების მინისტრმა სოზარ სუბარმა, იმერეთის გუბერნატორ  გივი ჭიჭინაძესა და ადგილობრივი მუნიციპალიტეტის წარმომადგენლებთან ერთად  მშენებლობის ადგილი მოინახულა.

სოზარ სუბარი წყალტუბოში,  ერისთავის ქუჩაზე მცხოვრებ დევნილ ოჯახებსაც ესტუმრა. ერისთავის ქუჩაზე არსებულ ობიექტს კერძო მესაკუთრე ჰყავდა, კომპანიამ შენობა, სადაც  49 დევნილი ოჯახი უკვე რამდენიმე წელია ცხოვრობს, ეკონომიკის სამინისტროს გადასცა.

დევნილთა და განსახლების სამინისტრომ უკვე დაიწყო საცხოვრებელი ფართების დაკანონების პროცესი და უახლოეს მომავალში 49 დევნილი ოჯახი საკუთრების მფლობელი გახდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს