თბილისში ცნობილი ქართველი ოტორინოლარინგოლოგის სიმონ ხეჩინაშვილის მემორიალური დაფა გაიხსნა.

თბილისის მერიის ინფორმაციით, ექიმის საცხოვრებელი სახლის ფასადზე მემორიალური დაფა თბილისის მერმა დავით ნარმანიამ გახსნა.   

მათივე ცნობით, ღონისძიებას თბილისის მერის მოადგილეები ნინა ხატისკაცი  და გიგა ნიკოლეიშვილი, კულტურის საქალაქო სამსახურის უფროსი ია მაქაცარია,  სიმონ ხეჩინაშვილის ოჯახის წევრები და ოტორინოლარინგოლოგთა ასოციაციის წევრები ესწრებოდნენ.

დავით ნარმანიამ სტუმრებს  სიტყვით მიმართა და სიმონ ხეჩინაშვილის მოღვაწეობის მნიშვნელობაზე ისაუბრა.

თბილისის მერის თქმით,  სიმონ ხეჩინაშვილის ღვაწლი ქართული მედიცინის განვითარებაში ფასდაუდებელია.

„იგი რამდენიმე ათეული წლის განმავლობაში ემსახურებოდა ქართულ მედიცინას და ამ სფეროში დაგვიტოვა უმდიდრესი გამოკვლევები, საფუძველი ჩაუყარა არაერთ მიმართულებას. იყო თბილისის საპატიო მოქალაქე. აღნიშნული მემორიალური დაფის გახსნა სწორედ ამ ღირსეული ადამიანის და მეცნიერის  სახელის უკვდავყოფას ემსახურება. თითოეული ჩვენგანის ვალია,  ასეთი ადამიანები ყოველთვის გავიხსენოთ,  ვიცოდეთ, რა ღვაწლი აქვთ მათ ჩვენი ქალაქის, ქვეყნის წინაშე და დავაფასოთ, როგორც შეგვიძლია“- განაცხადა დავით ნარმანიამ.

სიმონ ხეჩინაშვილმა სრულიად ახალგაზრდამ, 1942 წლიდან დაიწყო  სამედიცინო და სამეცნიერო  მოღვაწეობა ოტორინოლარინგოლოგიისა და ნერვული სისტემის ფიზიოლოგიის სფეროში.  მის სახელს უკავშირდება სასმენი აპარატების დანერგვა საქართველოში. 1979-1988 წლებში იყო თბილისის ექიმთა და ხელოვნების ინსტიტუტის რექტორი. იყო საქართველოს მეცნიერებათა ეროვნული აკადემიის ნამდვილი წევრი და  სახელმწიფო პრემიის ლაურეატი. შესრულებული აქვს 180 სამეცნიერო ნაშრომი, აქედან 4 მონოგრაფია.  სიმონ ხეჩინაშვილი 2010 წელს გარდაიცვალა.

 (NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს