საქართველოს პირველი ვიცე-პრემიერი, ეკონომიკისა და მდგრადი განვითარების მინისტრი  დიმიტრი ქუმსიშვილი,  მსოფლიოს სხვადასხვა მედიის წარმომადგენლებს შეხვდა.

ეკონომიკისა და მდგრადი განვითარების სამინისტროს ინფორმაციით, იტალიური, არაბული,  ჩინური,  აზერბაიჯანული, უკრაინული და სხვა ქვეყნების წამყვანი გამოცემებისა და ტელევიზიების ჟურნალისტები, საქართველოში სასტუმრო  ,,ბილტმორ თბილისის“ ოფიციალური გახსნის ცერემონიის გასაშუქებლად  ჩამოვიდნენ.

უწყების ცნობით, შეხვედრაზე, პირველმა ვიცე-პრემიერმა, მსოფლიო მედიის წარმომადგენლების შეკითხვებს უპასუხა.

მინისტრმა, ჟურნალისტებს საქართველოში მიმდინარე მსხვილი  საინვესტიციო პროექტები  და ქვეყნის  ტურისტული პოტენციალი გააცნო.

დიმიტრი ქუმსიშვილმა ინტერვიუ მისცა ცნობილ  იტალიურ მედია ჰოლდინგის ,,ლა სტამპას“ რეპორტიორს.   ჟურნალისტთან,  ლუჩია სგუელიასთან მინისტრმა მსხვილ საინვესტიციო პროექტებზე, გაზრდილ  ტურისტულ ნაკადებზე  და ქვეყანაში მიმდინარე ეკონომიკურ პროცესებზე ისაუბრა. 

მინსტრთან სტუმრად მყოფმა ჟურნალისტებმა ქართული ღვინო დააგემოვნეს და საქართველოს კულტურისა და  ისტორიის შესახებ ბევრი საინტერესო ინფორმაცია მიიღეს.

შეხვედრას საქართველოს ეკონომიკისა და მდგრადი განვითარების მინისტრის მოადგილე ქეთევან ბოჭორიშვილი, საქართველოს ტურიზმის ადმინისტრაციის ხელმძღვანელი გიორგი ჩოგოვაძე და ღვინის ეროვნული სააგენტოს წარმომადგენლები ესწრებოდნენ.

საღამოს, საქართველოში სტუმრად მყოფი ჟურნალისტები სასტუმრო  ,,ბილტმორ თბილისის“  გახსნის გალა ღონისძიებას დაესწრებიან.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს