საქართველოს ფინანსთა მინისტრის ნოდარ ხადურის განცხადებით, ლარი სტაბილურობისა და გამყარების ტენდენციას შეინარჩუნებს.

ამის შესახებ ხადურმა ჟურნალისტებს სასტუმრო „თბილისის მარიოტში“ განუცხადა, სადაც  ფინანსური განათლების თემაზე საერთაშორისო კონფერენცია „ფინანსური განათლება ფინანსური კეთილდღეობისთვის" გაიხსნა.

„მინდა გითხრათ, რომ ეს ძალიან ბევრ ფაქტორზეა დამოკიდებული. ჩვენ ვფიქრობთ, რომ ამ პერიოდის განმავლობაშიც და მომავალშიც ლარი სტაბილურობისა და გამყარების ტენდენციას შეინარჩუნებს“, - განაცხადა ხადურმა.

ამასთან, ეროვნული ბანკის პრეზიდენტმა კობა გვენეტაძემ აღნიშნა, რომ ეროვნული ბანკი პროგნოზს არ აკეთებს და მისი მთავარი ფუნქცია ფასების სტაბილურობის შენარჩუნებაა.

„ლარის კურსთან დაკავშირებით ადრეც მომიხსენებია. ეროვნული ბანკი არ აკეთებს პროგნოზს. მას ამასთან დაკავშირებით მაჩვენებელი არ აქვს. ბანკის მთავარი ფუნქცია ფასების სტაბილურობის შენარჩუნებაა, რასაც ვფიქრობ, რომ ბანკი ძალიან კარგად უმკლავდება“, - დასძინა გვენეტაძემ. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გერმანიამ უკრაინული რაკეტების შესყიდვის განხილვა დაიწყო

უკრაინის შეიარაღებული ძალების გენერალურმა შტაბმა იეისკში ნავთობტერმინალზე დარტყმის შესახებ განაცხადა

უკრაინამ სამარის რეგიონში ოზონის საწყობები და ნავთობგადამამუშავებელ ქარხნები დაბომბა

ჯონსი ოცნებისთვის მიუღებელია, რადგან არ არის აფილირებული ივანიშვილის სტრატეგიულ კურსთან - პროფესორები ჰარვარდში ქართველოლოგიის დახურვაზე