პრემიერ-მინისტრ გიორგი კვირიკაშვილის განცხადებით, მიწის რეგისტრაციის შესახებ კანონი პირველი აგვისტოდან ამოქმედდება.

როგორც პრემიერმა მთავრობის დღევანდელ სხდომაზე აღნიშნა, აღნიშნული კანონი მოსახლეობისთვის ძალიან მნიშვნელოვანია.

„მიწის რეგისტრაციის შესახებ კანონი სრულად იწყებს მოქმებდებას პირველი აგვისტოდან. ვფიქრობ, ეს არის ძალიან მნიშვნელოვანი საკითხი ჩვენი მოსახლეობისათვის. დღეს, 25 % მიწის მასის დარეგისტრირებულია, რაც არის დიდი პრობლემა.  ერთის მხრივ იმიტომ, რომ ჩვენი მოსახლეობა ვერ ახდენს მათ მფლობელობაში არსებული მიწის კაპიტალიზაციას, გამოყენებას ეკონომიკური საქმიანობისთვის სრულად და მეორე იმიტომ, კერძო სექტორისტვის ზოგადად ეს არის დიდი პრობლემა“,-განაცხადა პრემიერმა.

ამასთან,  პრემიერის განცხადებით, მიწის რეგისტრაცია მარტივდება და სახელმწიფო მოსახლეობას რეგისტრაციის პროცესში,   მათ შორის ფინანსური ინსტრუმენტებითაც ეხმარება.

„ვფიქრობ, ძალიან კარგია, რომ მარტივდება რეგისტრაცია, სახელმწიფო  მოსახლეობას ეხმარება რეგისტრაციის პროცესში, მათ შორის ფინანსური ინსტრუმენტებითაც.   ეს ხელს შეუწყობს ერთის მხრივ სოფლის მეურნეობის განვითრებას, მეორეს მხრივ, მიწის ბაზის მოწესრიგებას, და რა თქმა უნდა ეს არის სოციალური საკითხიც, ვინაიდან, ჩვენი მოსახლეობის 50%-ზე მეტი დღესდღეობით ჯერ კიდევ ჩართულია სოფლის მეურნეობაში და ვფიქრობ, სოფლად მოსახლეობის გამაგრებისთვის ეს არის მნიშვნელოვანი პროექტი“,-დასძინა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს