მიუნხენის სავაჭრო ცენტრში ცეცხლი 18 წლის ირანელმა ახალგაზრდამ გახსნა

2016-07-23 10:53:54, 1527 ნახვა

მსოფლიო

მიუნხენის სავაჭრო ცენტრში ცეცხლი 18 წლის ირანელმა ახალგაზრდამ გახსნა, - ამის შესახებ BBC იუწყება.

როგორც BBC მიუნჰენის პოლიციაზე დაყრდნობით წერს, თავდამსხმელი მარტო მოქმედებდა.

ქალაქის პოლიციის უფროსის ჰუბერთ ანდრეს განცხადებით, ახლაგაზრდას გერმანიისა და ირანის ორმაგი მოქალაქეობა ჰქონდა. ის მიუნხენში ბოლო რამდენიმე წლის განმავლობაში ცხოვრობდა.

მისი ცხედარი სპეცოპერაციის დროს, ტრაგედიის ადგილიდან დაახლოებით ერთ კილომეტრში იპოვეს. პოლიცია ვარაუდობს, რომ მან თავი მოიკლა.

თავდამსხმელის ქმედების მოტივები ამ დრომდე უცნობია.

შეგახსენებთ, რომ გუშინ მიუნჰენში, სავაჭრო ცენტრ "ოლიმპიასთან" უცნობმა მამაკაცმა მოსახლეობას ცეცხლი გაუხსნა, რის შედეგადაც 9 ადამიანი გარდაიცვალა, 20-მდე კი დაჭრა, 3 დაშავებული კრიტიკულ მდგომარეობაში იმყოფება.

ცნობისთვის, თავიდან ვრცელდებოდა ინფორმაცია, რომ თავდასხმაში 3 ადამიანი მონაწილეობდა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან