გიულენთან კავშირის ბრალდებით, თურქეთში რადიოსადგურებსა და ტელეკომპანიებს ლიცენზია გაუუქმდა

2016-07-20 12:37:33, 1655 ნახვა

მსოფლიო

თურქეთის ტელევიზიისა და რადიომაუწყებლობის უმაღლესმა საბჭომ ყველა რადიოსადგურსა და ტელეკომპანიას, რომლებსაც ხელისუფლების მტკიცებით, ღვთისმსახურ ფეთჰულა გიულენთან კავშირი აქვთ, ლიცენზია გაუუქმა, - ამის შესახებ სააგენტო Anadolu იუწყება.

მედია საშუალების ინფორმაციით, სამეთვალყურეო ორგანოს განცხადებაში დაკონკრეტებული არ არის, რომელ ტელეკომპანიებსა და რადიოსადგურებს შეეხება ეს გადაწუვეტულება.

შეგახსენებთ, რომ თურქეთის ხელისუფლება აშშ-ში მცხოვრებ მუსლიმ ღვთისმსახურს ფეთჰულა გიულენს სახელმწიფო გადატრიალების მცდელობის ორგანიზატორად მიიჩნევს და ვაშინგტონისგან მის ექსტრადირებას ოფიციალურად ითხოვს.

ცნობისთვის, თურქეთში სამხედრო გადატრიალების მცდელობას 290-ზე მეტი ადამიანი ემსხვერპლა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან