ფეთჰულაჰ გიულენი: დიდი ეჭვია, რომ პოლიტიკურად გაკოტრებულმა ერდოღანმა გადატრიალების ინსცენირება თავად მოაწყო

2016-07-17 13:56:55, 1986 ნახვა

მსოფლიო

მკვლევარი და სასულიერო ლიდერი ფეთჰულაჰ გიულენი აცხადებს, რომ სამხედრო გადატრიალების ინსცენირება თურქეთში რეჯებ თაიფ ერდოღანმა მოაწყო.

ამის შესახებ გიულენმა ამერიკულ მედიას განუცხადა. თურქეთის პრემიერის პირველი ოპონენტი კატეგორიულად უარყოფს სამხედრო ამბოხებაში მონაწილეობას, ან ლიდერობას და აცხადებს, რომ იგი სამხედროების მიერ ძალაუფლების ხელში აღებას სულ ეწინააღმდეგებოდა:

" ვგმობ სამხედრო გადატრიალების მცდელობას, ვგმობ, რადგან თავად არაერთხელ ვიყავი ამ გადატრიალებების მსხვერპლი. არ მგონია, მსოფლიოში იყოს ერთი ჭკუათმყოფელი ადამიანი, რომელიც დაიჯერებდა, რომ რაიმე შემხებლობა მაქვს გადატრიალებასთან. დიდი ეჭვია, რომ პოლიტიკურად გაკოტრებულმა ერდოღანმა თავად მოაწყო გადატრიალების ინსცენირება" - განაცხადა გიულენმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან