მსოფლიო ლიდერები ნიცაში მომხდარი თავდასხმის მსხვერპლთა ოჯახებს უსამძიმრებენ, - ამის სესახებ უცხოური მედია წერს.

მედია საშუალებსი ინფორმაციით, გერმანიის კანცლერმა ანგელა მერკელმა საფრანგეთს მხარდაჭერა გამოუცხადა.

“ტერორიზმის წინააღმდეგ ბრძოლაში ჩვენ საფრანგეთის გვერდით ვართ. მე დარწმუნებული ვარ, რომ ამ ბრძოლაში გავიმარჯვებთ, ყველა სირთულის მიუხედავად”, - განაცხადა მერკელმა, რომელიც ევროპა-აზიის სამიტში მონაწილეობს.

აღსანიშნავია, რომ მონღოლეთში მიმდინარე სამიტის მონაწილეებმა მსხვერპლთა ხსოვნას წუთიერი დუმილით პატივი მიაგეს.

მონღოლეთში მყოფმა ევროკავშირის საბჭოს პრეზიდენტმა დონალდ ტუსკმა საფრანგეთს ასევე მხარდაჭერა გამოუცხადა.

ტუსკის განცხადებით, ევროპა საფრანგეთის მოსახლეობასა და მთავრობას ძალადობისა და სიძულვილის წინააღმდეგ ბრძოლაში სოლიდარობას უცხადებს.

ევროკომისიის თავმჯდომარემ ჟან-კლოდ იუნკერის განცხადებით, ევროპა ტერორიზმის წინააღმდეგ ბრძოლას როგორც შიგნით, ისე საზღვრებს გარეთ გააგრძელებს.

“ჩვენ სიმტკიცე მხოლოდ გააძლიერებს ჩვენს ერთიანობას”, - აღნიშნა იუნკერმა.

საფრანგეთს მიუსამძიმრა რუსეთის პრემიერ-მინისტრმა დიმიტრი მედვედევმაც, რომელიც ასევე მონღოლეთში მიმდინარე ევროპა-აზიის სამიტში მონაწილეობს.

“მსურს მივუსამძიმრო საფრანგეთს, ყველა დაშავებულს, ასევე ნიცაში მომხდარი საშინელი ტერაქტის შედეგად გარდაცვლილთა ნათესავებს. ტერორიზმს არ აქვს საზღვრები. ეს არის საერთო გამოწვევა ევროპისა და აზიისთვს”, - განაცხადა მედვედევმა.

ნიცაში მომხდარ ტრაგედიას აშშ-ის სახელმწიფო მდივან ჯონ კერიც გამოეხმაურა და აღნიშნულ ფაქტთან დაკავშირებით მწუხარება გამოთქვა. კერი ოფიციალური ვიზიტით რუსეთში იმყოფება. 

როგორც ჯონ კერიმ განაცხადა, ნიცაში განხორციელდა თავდასხმა “უდანაშაულო ხალხზე თავისუფლების, თანასწორობისა და მეგობრობის ზეიმის დღეს”.

“მე მეამაყებოდა დღეს პარიზში ბასტილიის აღების დღის ზეიმის დროს საფრანგეთის ლიდერების გვერდით დგომა. აშშ სოლიდარულია ფრანგ ხალხთან ამ ტრაგედიის დროს. ჩვენ მზად ვართ ნებისმიერი მხარდაჭერა აღმოვუჩინოთ”, - წერს ჯონ კერი სოციალურ ქსელში.

ამასთან, თეთრმა სახლმა ბარაკ ობამას განცხადება გაავრცელა, სადაც ნათქვამია, რომ ვაშინგტონი მზად არის, საფრანგეთს ტერაქტის გამოძიებაში დაეხმაროს.

ნიცაში მომხდარ თავდახმა გამოემხაურა დიდი ბრიტანეთის საგარეო საქმეთა მინისტრი ბორის ჯონსონი. მისი თქმით, ის მომხდარის გამო შოკირებულია. ამასთან, დიდი ბრიტანეთის საგარეო უწყება საფრანგეთში მყოფ თავის მოქალაქეებს სიფრთხილისკენ მოუწოდებს.

ნიცაში განხორციელებულ თავდასხმას გმობს გაერო-ს უშიშროების საბჭო. “უშიშროების საბჭოს წევრები უმკაცრესად გმობენ ნიცაში განხორციელებულ ბარბაროსულ თავდასხმას”, - ნათქვამია უშიშრების საბჭოს განცხადებაში.

შეგახსენებთ, რომ გუშინ, ნიცაში, სადაც მოსახლეობა ბასტილიის აღების დღეს აღნიშნავდა, ხალხში სატვირთო ავტომობილი შევარდა.

ტერაქტის შედეგად 84 ადამიანი გარდაიცვალა, მათ შორის არიან ბავშვებიც. მედიის ინფორმაციით, ათობით ადამიანი დაშავებულია, 18 მათგანი კი კრიტიკულ მდგომაროებაშია.

მომხდარზე პასუხისმგებლობა ჯერჯერობით არც ერთ დაჯგუფებას არ აუღია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვში, ოპოზიციურ Новая газета-ს ოფისში ჩხრეკა მიმდინარეობს

კაცი, რომელსაც პარლამენტთან პოლიციამ ბორკილები დაადო, ადმინისტრაციული წესითაა დაკავებული

ოპოზიციის ალიანსი: 9 აპრილი სიმბოლოა, რომ ქართველები თავისუფლებისთვის ბრძოლას არ შეწყვეტენ

მაგთიკომი: ინტერნეტის გათიშვა გლობალურ ქსელზე შექმნილმა პრობლემამ გამოიწვია