ეკონომიკისა და მდგრადი განვითარების მინისტრის გიორგი კვირიკაშვილის ინფორმაციით, 2 წლის განმავლობაში უწყებას ქონებები საპრივატიზაციოდ არ გაუტანია.

როგორც კვირიკაშვილმა ჟურნალისტებს, „სამართალწარმოების პროცესში ჩადენილი დანაშაულის გამოძიების დეპარტამენტის“ პრეზენტაციის დასრულების შემდეგ განუცხადა, თუ კანონიერი ქონების ჩამორთმევის ფაქტები დადგინდება, ქონება კანონიერ მფლობელს დაუბრუნდება.

ამასთან,  მინისტრის თქმით, იმ შემთვევაში თუ,  ჩამორთმეული ქონება არ არსებობს, სახელმწიფოს მის ჩასანაცვლებლად სხვა მექანიზმები აქვს. ესენია: ობლიგაციები და სხვა ქონებით ჩანაცვლება.

„პროკურატურამ ძალიან მნიშვნელოვანი სამუშაო ჩაატარა. მოხდა ამ ყველა საქმის სისტემატიზაცია და დახარისხება.  ჩვენ  სამინისტროსთან ერთად მოხდა წინასწარი სურათის შეფასება, თუ რა გვაქვს ქონების წართმევის შემთხვევებში,  იქ სადაც ჩვენ გვქონდა ინფორმაცია, რომ იყო გარკვეული ეჭვები  ჩადენილ დანაშაულთან დაკავშირებით.   ამ 2 წლის განმავლობაში არ შევხებივართ ქონებას და არ გაგვიტანია საპრივატიზაციოდ. იმ შემთხვევებში სადაც დადგინდება, რომ ადგილი ჰქონდა კანონიერი ქონების ჩამორთმევის ფაქტებს, რა თქმა უნდა მთავრობა შესაბამის ნაბიჯებს გადადგავს და ქონება კანონიერ მფლობელს დაუბრუნდება. იმ შემთხვევებში, სადაც  ჩამორთმეული ქონება არ არსებობს, სახელმწიფოს აქვს სხვადასხვა მექანიზმები, ეს არის სხვა ქონების ჩანაცვლების მექანიზმი, ობლიგაციების მექანიზმი და სხვა. მაგრამ, ის, რომ ამ მიმართულებით სამართლიანობა უნდა იქნას აღდგენილი, კითხვები არ არსებობს“, – აღნიშნა კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედიის ადვოკატირების კოალიცია - მართლმსაჯულების სისტემის გამოყენება კრიტიკული ხმის ჩასახშობად და ჟურნალისტების დასასჯელად

ევროკომისია: ევროკავშირი აკვირდება სარჩელს, რომელიც საქართველოში ხუთი ოპოზიციური პარტიის აკრძალვას ეხება

კახა კალაძე საფრანგეთში მიმდინარე აქციებზე: დღეს იმ უბედურებას, რაც საქართველოში მოაწყვეს, საკუთარ ქვეყანაში ხედავენ

საქართველოს ბანკის ახალი პროექტი მოსწავლეებისთვის - შეისწავლე სასურველი პროფესია სრული დაფინანსებით