ნატო-ს გენერალური მდივანს იენს სტოლტენბერგის განცხადებით, ვარშავის სამიტი ნატო-ს ერთიანობასა და სიძლიერეს წარმოაჩენს, -  აღნიშნული განცხადება სტოლტენბერგმა ვარშავაში, პოლონეთის პრეზიდენტთან, ანჟეი დუდასთან ერთობლივ პრესკონფერენციაზე გააკეთა.

როგორც ნატო-ს გენერალურმა მდივანმა აღნიშნა, დღეს მსოფლიო უფრო საშიშია, ვიდრე ის რამდენიმე წლის წინ იყო.

სტოლტენბერგის თქმით, ნატო გამოწვევებს სწრაფად და გადამწყვეტად პასუხობს.

“ახლა ჩვენი უსაფრთხოების გადამწყვეტი დროა. მსოფლიო უფრო საშიში გახდა, ვიდრე ის რამდენიმე წლის წინ იყო. ნატო საფრთხეებს სწრაფად და გადამწყვეტად პასუხობს. უახლოესი ორი დღის განმავლობაში ჩვენ რამდენიმე მნიშვნელოვან ნაბიჯს გადავდგამთ, რომლებიც მიმართული იქნება ალიანსის თავდაცვისუნარიანობისა და სტაბილურობის გაძლიერებისა და ნატო-ს ფარგლებს გარეთ უსაფრთხოების უზრუნველსაყოფად. 

ნაბიჯები მოიცავს აქ პოლონეთში, ასევე ესტონეთში, ლატვიასა და ლიტვში ნატო-ს ძალების რაოდენობის გაზრდას. ეს იქნება მკაფიო მესიჯი - თავდასხმა ერთ მოკავშირეზე ნიშნავს მთელ ალიანსზე თავდასხმას. ეს იქნება გადამწყვეტი სამიტი ვარშავაში და მნიშვნელოვანი სამიტი ალიანსის ისტორიაში. აღსანიშნავია, რომ ის ვარშავაში იმართება, ქალაქში, რომელიც იცნობს კონფლიქტის ტკივილსა და უსაფრთხოების ფუნდამენტურ ღირებულებას”, - განაცხადა სტოლტენბერგმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის

საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს

პუტინმა უგულებელყო ტუაფსეში მომხდარი „დიდი ეკოლოგიური კატასტროფა“

ჯუანშერ ბურჭულაძეს 10-წლიანი პატიმრობა მიესაჯა