|
2016-07-07 09:45:19, 647 ნახვა
პოლიტიკა
ჯონ კერი ოპოზიციის ლიდერებს შეხვდა
ამერიკის შეერთებული შტატების სახელმწიფო მდივანი ჯონ კერი საპარლამენტო ოპოზიციის ლიდერებს შეხვდა. ”ნაციონალური მოძრაობისა” და ”თავისუფალი დემოკრატების” ლიდერებთან შეხვედრა სასტუმრო ”რედისონში”, დღეს დილით გაიმართა. "თავისუფალი დემოკრატების" ერთ–ერთი ლიდერის ვიქტორ დოლიძის განცხადებით, ამერიკის სახელმწიფო მდივანს ინფორმაციას მიაწვდის შიდა პოლიტიკურ საკითხებზე, რეფორმებზე, საქართველოში წინა საარჩევნოდ მედიის მდგომარეობაზე, ასევე ისაუბრებს იმაზე, თუ რა არის საქართველოს საგარეო პრიორიტეტები. "ნაციონალური მოძრაობის" ლიდერის, დავით ბაქრაძის თქმით, ამერიკის შეერთებული შტატების სახელმწიფო მდივნის ვიზიტი მიუთითებს, ამერიკის მხრიდან საქართველოს უსაფრთხოების, ევროატლანტიკური მომავლის და ტერიტორიული მთლიანობის მხარდაჭერას. "3 თვით ადრე სახელმწიფო მდივნის ვიზიტი განსაკუთრებულ დატვირთვას ანიჭებს კიდევ ერთ პრიორიტეტულ სფეროს - ეს არის საქართველოს დემოკრატიზაცია, შიდაპროცესები და არჩევნები. ამიტომ, ბუნებრივია, რომ საუბარი გვექნება მომავალ არჩევნებზე, საუბარი გვექნება მედიის თავისუფლებაზე, ძალადობაზე და ყველა იმ თემაზე, რომელიც დღეს პრობლემურია საქართველოში დემოკრატიზაციის თვალსაზრისით. გუშინ ძალიან მკაფიო სიგნალები მოვისმინეთ ამ თვალსაზრისით და იმედია, რომ დღეს დეტალებში ვისაუბრებთ სახელმწიფო მდივანთან ამ თემაზე. ასევე იმედი მაქვს, რომ საქართველოს ხელისუფლება მკაფიოდ მიიღებს და გაიაზრებს ყველა იმ მესიჯს, რომელიც მოდის ჩვენი მთავარი პარტნიორებისგან”, - განაცხადა დავით ბაქრაძემ.
The National Interest: ახალი ინიციატივა შესაძლოა ცენტრალურ აზიასა და სამხრეთ კავკასიაში ძალთა ბალანსს შეცვლის
საბერძნეთი შეუერთდა რუსეთის აგრესიის საკითხთან დაკავშირებით სპეციალური ტრიბუნალს
პუტინმა უგულებელყო ტუაფსეში მომხდარი „დიდი ეკოლოგიური კატასტროფა“
ჯუანშერ ბურჭულაძეს 10-წლიანი პატიმრობა მიესაჯა
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)