გენერალური შტაბის უფროსის პირველმა მოადგილემ, ბრიგადის გენერალმა ვლადიმერ ჩაჩიბაიამ პირად შემადგენლობას წვრთნებისა და სამხედრო განათლების ახალი სარდალი, პოლკოვნიკი ლევან ბერია წარუდგინა.

ღონისძიება საქართველოს თავდაცვის სამინისტროს შემეცნებით-საგანმანათლებლო ცენტრში გაიმართა.

სიტყვით გამოსვლისას, ბრიგადის გენერალმა ვლადიმერ ჩაჩიბაიამ პოლკოვნიკ შალვა ბაჯელიძეს გაწეული  სამსახურისთვის მადლობა გადაუხადა. მან ახალ თანამდებობაზე პოლკოვნიკ ლევან ბერიას წარმატებები უსურვა და მხარდაჭერა აღუთქვა.

ცვლილებები როტაციის წესით განხორციელდა.  წვრთნებისა და სამხედრო განათლების ახალი სარდალი სპეციალური შერჩევის საბჭოს მიერ შეირჩა.

პოლკოვნიკი ლევან ბერია საქართველოს შეიარაღებულ ძალებში 1992 წლიდან მსახურობს. 2012 წლის დეკემბრიდან ის ეროვნული სასწავლო ცენტრ „კრწანისის“ მეთაური იყო. სხვადასხვა დროს მუშაობდა საქართველოს შეიარაღებული ძალების II ქვეით ბრიგადაში, გაერთიანებული შტაბის J-3 ოპერატიული დაგეგმვის დეპარტამენტსა და სახმელეთო ჯარების დასავლეთ ოპერატიულ დაჯგუფებაში. 2008–2009 წლებში პოლკოვნიკმა ბერიამ  გერმანიის ფედერაციული რესპუბლიკის ბუნდესვერის მართვის აკადემიაში გენერალური და საადმირალო შტაბების სამსახურების სწავლების ინტერნაციონალური კურსი გაიარა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ხარკოვის ოლქში რუსეთის სარაკეტო დარტყმას 10 ადამიანი ემსხვერპლა 17 კი დაშავდა

ჩხუბი ბათუმის ბულვარში - დაჭრილია 2 ადამიანი

ნიკა გვარამია - „ნდობის აღდგენა“ სრულიად ფუჭი სიტყვებია და მის უკან არავითარი პოლიტიკური შინაარსი არ დგას

კობახიძის ინფორმაციით, გუშინდელი მდგომარეობით, აფხაზეთში დაახლოებით 680 ტონა საწვავი იყო შეტანილი