2016-06-22 10:40:17, 694 ნახვა

---

ბაქრაძე: ვიმედოვნებ, LIBE-ს კომიტეტში ივლისში, ან სექტემბრის დასაწყისში, საქართველოსთვის ვიზალიბერალიზაციაზე საბოლოო კენჭისყრა ჩატარდება

ევროპულ და ევროატლანტიკურ სტრუქტურებში სახელმწიფო მინისტრი დავით ბაქრაძე იმედოვნებს, რომ  საქართველოს ვიზალიბერალიზაციასთან დაკავშირებით LIBE-ს კომიტეტი ივლისის თვეში, ან სექტემბრის  დასაწყისში საბოლოო კენჭისყრას ჩაატარებს.

ბაქრაძის თქმით, ევროკავშირის საბჭოს საგარეო საქმეთა მინისტრებმა ძალიან მკაფიო პოლიტიკური გზავნილი გააკეთეს, რაც საქართველოს მხარდამჭერი განცხადებებით გამოიხატა.

„ბოლო სამმა დღემ აჩვენა ძალიან პოზიტიური ტენდენცია ბევრი მიმართულებით.  პირველ რიგში ეს იყო ევროკავშირის საბჭოს საგარეო საქმეთა მინისტრების დონეზე ძალიან მკაფიო პოლიტიკური გზავნილი საქართველოს სრულ მხარდაჭერაზე. იმედი  გვაქვს საბჭოს ფორმატებში, კორეტერში და შემდეგ იუსტიციისა და შინაგან საქმეთა საბჭოს კომიტეტებში  გარდაისახება საბოლოო მხარდაჭერა. რაც შეეხება, პარლამენტის მიმართულებით ჩვენ ვაფასებთ იმ ძალასხმევას, რომელიც მომხსენებელმა გამოიჩინა  საქართველოს მხარდასაჭერად 8 ივლისამდე არის პერიოდი, როდესაც შენიშვნები იქნება გათვალისწინებული.   იმედი გვაქვს, ივლისის თვეში, ან სექტემბრის დასაწყისში კომიტეტი საბოლოო კენჭისყრას ჩაატარებს“,-განაცხადა ბაქრაძემ.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი