"ქართული ოცნება" სრულ აგონიაშია და ყველა ზომას იღებს  იმისათვის, რომ არჩევნები გააყალბოს", - ასე გამოეხმაურა  "ნაციონალური მოძრაობის " წევრი სერგო რატიანი "საარჩვნო კოდექსში" ცვლილებებთან დაკავშირებით, საქართველოს მთავრობის ინიციატივას.

რატიანის თქმით, ხელისუფლება ყველაფერს აკეთებს იმისათვის, რომ ქვეყანაში საარჩევნო გარემო  გაუარესდეს:

"მე მგონი, "ქართული ოცნება" სრულ აგონიაშია,  არაადეკვატურია და იღებს ყველა ზომას იმისათვის, რომ გააყალბოს არჩევნები. ეს სხვას არაფერს ნიშნავს, თუ არა ამას. ძალიან ცუდად იქცევა ხელისუფლება ყველა მიმართულებით-საარჩევნო კოდექსის მიმართულებით, გარდა ამისა, სურს დაიქვემდებაროს საკონსტიტუციო სასამართლო, რომ რამე  პრობლემა არ შეექმნას სასამართლოს მიამრთულებით, ასევე მედია და იღებს ახალ ცვლილებებს.  ყველაფერს აკეთებს იმისათვის, რომ საარჩევნო გარემო არანორმალური იყოს", - განუცხადა სერგო რატიანმა "ექსპრესნიუსს"

პოლიციის მუშაკებს, შესაძლოა, საუბნო საარჩევნო კომისიის თავჯდომარის მოთხოვნის და თანხმობის გარეშე, კენჭისყრის შენობის მიმდებარე ტერიტორიაზე ყოფნის უფლება  მიეცეთ. აღნიშნულს  „საარჩევნო კოდექსში“ ცვლილებები  ითვალისწინებს, რომლის ინიციატორი საქართველოს მთავრობაა.

მოქმედი კანონმდბელობით, კენჭისყრის შენობაში და მის მიმდებარე ტერიტორიაზე პოლიციის მუშაკები შეიძლება გამოიძახონ მხოლოდ საუბნო საარჩევნო კომისიის თავჯდომარის მოთხოვნით.

ცვლილებების მიხედვით კი,  გამონაკლის შემთხვევაში, კენჭისყრის შენობის მიმდებარე ტერიტორიაზე, თუმცა არა  კენჭისყრის შენობაში, პოლიციის მუშაკები შეიძლება იმყოფებოდნენ საუბნო საარჩევნო კომისიის თავმჯდომარის მოთხოვნისა და თანხმობის გარეშეც, თუ ეს სრულიად აუცილებელი იქნება  საზოგადოებრივი წესრიგის დარღვევის აღკვეთის, ან დაცვის მიზნით.

გარდა ამისა, კანონპროექტის  თანახმად,  საარჩევნო კომისიის თავჯდომარის მოთხოვნით პოლიციის მუშაკები შეიძლება გამოიძახონ არა მხოლოდ იმ შემთხვევაში, თუ კენჭისყრის შენობაში,  ან მის მიმდებარე ტერიტორიაზე საფრთხე ექმნება კენჭისყრის ჩატარებას,  ან საარჩევნო დოკუმენტაციის უსაფრთხო გადაადგილებას, არამედ მაშინაც, თუ  საფრთხე საზოგადოებრივ წესრიგს ექმნება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თბილისში, ძმის ქორწილში ახალგაზრდა კაცი მოკლეს

ელისაშვილი არჩილ გორდულაძეს - ამოვგლიჯავ ენას, ხომ არ გონია 13 წელი ვიქნები ციხეში

სახალხო დამცველი პარლამენტს მოუწოდებს არ მიიღონ აზარტული თამაშების კანონში ცვლილებები

სს კრედო ბანკმა, თიბისი კაპიტალის მხარდაჭერით, $10 მილიონის დამატებითი პირველადი კაპიტალის (AT1) კერძო ობლიგაციები განათავსა