შპს-მ „სახელმწიფო კვებითი უზრუნველყოფა“ სხვადასხვა საკვები პროდუქტების შესყიდვის მიზნით  41 (ორმოცდაერთი) ელექტრონული ტენდერი გამოაცხადა, რომელიც დაახლოებით 120 (ასოცი) დასახელების სხვადასხვა სახის საკვებ პროდუქტს მოიცავს.

 როგორც „ექსპრესნიუსს“ თავდაცვის სამინისტროდან აცნობეს, აღნიშნული ტენდერებით საქონლის მიწოდება გათვალისწინებულია ხელშეკრულების დადებიდან (სავარაუდოდ,  2016 წლის 15 ივლისიდან) 2017 წლის 15 იანვრის ჩათვლით, წინადადებების მიღების ბოლო ვადაა 2016 წლის 27, 28 ივნისი.

უწყების ინფორმაციით, კომპანიამ 2016 წლის III, IV კვარტლისთვის საჭირო საკვები პროდუქტების შესყიდვის მიზნით  ბაზრის კვლევა ჩაატარა  ბაზარზე არსებულ მომწოდებელთა კონცენტრაციის, საქონლის ერთეულის ფასების, ლოგისტიკური შესაძლებლობების და შესასყიდი  საქონლის ტექნიკური სპეციფიკაციის უკეთ განსაზღვრის მიზნით. 

 შედგა შესასყიდი საქონლის ტექნიკური სპეციფიკაციები, განისაზღვრა საჭირო რაოდენობები, საქონლის მოწოდების ადგილები და სიხშირე. ამის შემდეგ განისაზღვრა პოტენციურ მომწოდებელთა წრე -  დაახლოებით 85 მომწოდებელი, რომელთაც გადაეგზავნათ ბაზრის კვლევის დოკუმენტები.

ბაზრის კვლევის ფორმატი იძლეოდა შესაძლებლობას, მომწოდებლებს დაეფიქსირებინათ საკუთარი შენიშვნები საქონლის ტექნიკურ სპეციფიკაციებთან, ლოგისტიკურ შესაძლებლობებთან და სხვა საკითხებთან დაკავშირებით.  მომწოდებლებმა 2016 წლის 30 მაისის მდგომარეობით წამოადგინეს საკუთარი წინადადებები  და  შენიშვნები. სატენდერო კომისიამ მომწოდებელთა შენიშვნები უმრავლეს შემთხვევაში გაიზიარა.  საქონლის ერთეულის ფასის გამოანგარიშებისას კომისია  დაეყრდნო მიმდინარე ტენდერებში არსებულ ფასებს, ასევე, წინა ანალოგიურ პერიოდში არსებულ ფასებს, ერთმანეთს შეადარა სხვადასხვა მომწოდებლის მიერ გამოგზავნილი ფასი და ანალიზის შედეგად განსაზღვრა შესასყიდი საქონლის ერთეულის ფასები და შესაბამისი ტენდერის საწყისი ღირებულება.

სატენდერო პროცედურებთან, დოკუმენტაციასთან, საქონლის მიწოდებასთან და სხვა საკითხებთან დაკავშირებით არსებულ  კითხვებზე პასუხის გასაცემად კომპანიამ გამოყო პირი რომელიც უზრუნველყოფს დამატებითი კონსულტაციებს მიცემას დაინტერესებული მხარისათვის. აღნიშნული ტენდერების შესახებ ინფორმაციის ხელმისაწვდომობის და საჯაროობის გაზრდის მიზნით შესაბამისი ინფორმაცია  სახელმწიფო შესყიდვების ერთიანი ელექტრონული სისტემის სიახლეების მოდულში განთავსდება.

ცნობისთვის, შპს „სახელმწიფო კვებითი უზრუნველყოფა“, რომლის 100%-იანი წილის მფლობელი სახელმწიფოა,  საქართველოს შეიარაღებული ძალების კვებით მომსახურებას უზრუნველყოფს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

RECSOL-მა Altaris-ის „საუკეთესო მწვანე ინიციატივის“ ჯილდო მიიღო - „თეგეტა ჰოლდინგის“ მხარდაჭერით საქართველოში საბურავების გადამმუშავებელი საწარმო შენდება

ერთი პირი სტუმრად ყოფნისას შეუძლოდ გახდა და გარდაიცვალა, ორმა მამაკაცმა ცხედარი ტყეში დამალეს და მიიმალნენ

აქედან არ გავალთ,- ოჯახები, რომლებსაც საკუთრებას ჩამოართმევენ

ყველაზე მასშტაბური გუნდური ოლიმპიადა საქართველოში - როგორია საქართველოს ბანკის და კომაროვის STEM ოლიმპიადა