კულტურისა და ძეგლთა დაცვის მინისტრის მიხეილ გიორგაძის განცხადებით, ქუთაისში ხოსე კარერასის უფასო კონცერტის ჩატარების გადაწყვეტილება ლოკაციამ განაპირობა.

თუმცა, მინისტრის შეფასებით, ვინაიდან ბევრი ადამიანი აპირებს კონცერტზე დასწრებას, ეს  მეტ  ორგანიზებას და დაკვირვებას  მოითხოვს.

„ლოგიკა იყო შემდეგი, ამ მასშტაბის კონცერტი რეგიონში პირველად ტარდება. ძალიან დიდი ინტერესი გამოიწვია ამ კონცერტმა. ქუთაისის მერისგან და იმერეთის გუბერნატორისგან ვიცი, რომ პრაქტიკულად მთელი რეგიონი აპირებს დაიძრას ქუთაისში. იმისთვის, რომ შეზღუდვა არ ყოფილიყო რაოდენობრივად, აბსოლუტურად ყველას მისცემოდა  ამ კონცერტზე დასწრების საშუალება. ჩვენ გვინდოდა რეგიონისთვის მაქსიმალური ხელშეწყობა ყოფილიყო, თუმცა, ეს გარკვეულ სირთულეებს გვიმატებს იმ თვალსზრისით, რომ საჭირო იქნება დიდი რაოდენობის ადამიანების მართვა უფრო დაკვირვებით და ბევრად უფრო მეტი ორგანიზებით“, - აღნიშნა გიორგაძემ.

ხოსე კარერასის კონცერტი 18 ივნისს ქუთაისში, ცენტრალურ მოედანზე, თეატრის წინ გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა