|
2016-06-10 12:51:35, 549 ნახვა
სამხედრო
თინათინ ხიდაშელი აშშ-ში გენერალ მერსიეს შეხვდა
საქართველოს თავდაცვის მინისტრი ამერიკის შეერთებულ შტატებში ვიზიტის ფარგლებში ნატოს მოკავშირეთა ტრანსფორმაციის სარდლობის ხელმძღვანელს, გენერალ დენის მერსიეს შეხვდა. თავდაცვის სამინისტროს ინფორმაციით, შეხვედრის ძირითადი თემები საქართველოს ნატოში ინტეგრაცია და ვარშავის სამიტთან დაკავშირებული მოლოდინები იყო. მათივე ცნობით, მხარეებმა აღნიშნეს, რომ საქართველო შესაძლებლობების მაქსიმუმს აკეთებს სამიტიდან სასურველი შედეგების მისაღებად. ქართული მხრიდან შეხვედრას თავდაცვის მინისტრთან ერთად ნატო საქართველოს წვრთნისა და შეფასების ერთობლივი ცენტრის ხელმძღვანელი, პოლკოვნიკი გრიგოლ ჭელიძე, თავდაცვის მინისტრის მრჩეველი, შოთა ღვინერია და საქართველოს ელჩი ამერიკის შეერთებულ შტატებში, არჩილ გეგეშიძე დაესწრნენ. როგორც ნატოს მოკავშირეთა ტრანსფორმაციის სარდლობის ხელმძღვანელმა აღნიშნა, საქართველოსთვის ყველა მნიშვნელოვანი საკითხი და მოთხოვნა აქტიურად განიხილება. საქართველის თავდაცვის მინისტრის თინათინ ხიდაშელის განცხადებით, ვარშავის სამიტამდე მეტად მცირე დროა დარჩენილი და საჭიროა, მხარეებმა საბოლოოდ დააზუსტონ მოლოდინები და სურვილები. "ნატო-საქართველოს არსებითი პაკეტი, რომელიც აძლიერებს ჩვენი ქვეყნის თავდაცვისუნარიანობას და მისი კიდევ უფრო წარმატებით და დროული განხორციელება - ეს იყო ჩვენი შეხვედრის მთავარი თემა. საქართველო, თავისი შესაძლებლობის გათვალისწინებით, მაქსიმუმს აკეთებს, რომ პარტნიორებს კიდევ უფრო გაუადვილოს ვარშავის სამიტზე საქართველოსთვის საჭირო და მნიშვნელოვან თემებზე გადაწყვეტილების მიღება",- აღნიშნა საქართველოს თავდაცვის მინისტრმა. ამერიკის შეერთებულ შტატებში ვიზიტი გრძელდება. თინათინ ხიდაშელი ხვალ შეხვედრებს გაეროში გამართავს.
|
რედაქტორის რჩევით
ივანიშვილთან ერთად ვინ აფინანსებს ტელეიმედს და ვის ემუქრება მეორადი სანქციები
რეჟიმის წარმომადგენლები ხოშტარიას შვილებს ესხმიან თავს
ომი უკრაინაში
აზოვის ზღვაში უკრაინელებმა ხორბლის გადამზიდავი ჩაიძირეს
რუსეთის მიერ ოდესის დაბომბვის შედეგად დაიჭრა 11 ადამიანი, მათ შორის ერთი ბავშვი
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)