საქართველოს იუსტიციის მინისტრი თეა წულუკიანი 10 ივნისს, 18:00 საათზე სასტუმრო „რუმს ჰოტელ თბილისში“ ნოტარიუსთა საერთაშორისო კონფერენციას გახსნის, რომელიც საქართველოს დამოუკიდებელი ნოტარიატის 20 წლის იუბილეს ეძღვნება.

იუსტიციის სამინისტროს ინფორმაციით, ნოტარიუსთა ასეთი მასშტაბური კონფერენცია, სადაც ნოტარიუსთა საერთაშორისო კავშირის თავმჯდომარე და კავშირის წევრი 14 ქვეყანა მონაწილეობს, საქართველოში პირველად ტარდება.

კონფერენციაში მონაწილეობენ ნოტარიუსთა საერთაშორისო კავშირის პირველი პირები: კავშირის პრეზიდენტი დანიელ-სედარ სენგორი, ნოტარიუსთა საერთაშორისო თანამშრომლობის კომისიის პრეზიდენტი მიშელ მერლოტი და ევროპის ურთიერთობათა კომისიის პრეზიდენტი პიერ ბეკე. დელეგატები კონფერენციაზე  ევროპის სხვადასხვა ქვეყნიდან (გერმანია, საფრანგეთი, შევიცარია, უნგრეთი, ესტონეთი...) ჩამოდიან.

კონფერენცია ეძღვნება ნოტარიუსის სოციალურ როლს, სამართლებრივი ურთიერთობების დარეგულირებაში ნოტარიუსის ფუნქციას; ნოტარიუსის, როგორ იურიდიული მრჩევლის, როლის გაძლიერებას ხელშეკრულებების დადების პროცესში, ქონებრივი გარიგეგების დროს გარიგების მონაწილე მხარეების საკუთრების უფლების დაცვასა და მხარეების სამართლებრივი ცნობიერების ამაღლებაში.

კონფერენციას საქართველოს იუსტიციის სამინისტროს, ბიზნესასოციაციისა და დიპლომატიური კორპუსის წარმომადგენლები დაესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე - ოპოზიციის მორიგი ე.წ გაერთიანება საერთოდ არ არის საინტერესო, ეს არის ალბათ მეათე ე.წ. ფანჩატური, რომელსაც ქმნიან ხოლმე, მერე შლიან

კობახიძე - როდესაც ევროკავშირის ელჩი ქართველ ხალხს ემუქრება სამოქალაქო ომით და გაღარიბებით, ეს უბრალოდ წარმოუდგენელია

ბოჭორიშვილი: „თუ ვინმემ უნდა შეცვალოს დამოკიდებულება, ეს არის მხოლოდ და მხოლოდ ევროკავშირის ამჟამინდელი ბიუროკრატია ბრიუსელში

ჰერჩინსკი: მალე გაირკვევა, საქართველო ევროპულ ოჯახს ეკუთვნის თუ ბნელ წარსულს დაუბრუნდება