პუშკოვი: საქართველო ერთ-ერთი ფაქტორია, რომლის გამოც ნატო-რუსეთის ურთიერთობებში კრიზისი დაიწყო

2016-06-09 11:58:28, 1166 ნახვა

მსოფლიო

საქართველო ერთ-ერთი ფაქტორია, რომლის გამოც ნატო-რუსეთის ურთიერთობებში კრიზისი დაიწყო, - ამის შესახებ რუსეთის სახელმწიფო დუმის საერთაშორისო საქმეთა კომიტეტის თავმჯდომარემ, ალექსეი პუშკოვმა განაცხადა.

პუშკოვის თქმით, კრიზისი რუსეთის მოსაზღვრე ქვეყნებისკენ ნატო-ს გაფართოების მცდელობებით დაიწყო.

„ნატო-ს ხელმძღვანელობა, ბუშის ადმინისტრაციის აქტიური მონაწილეობით და მასთან შეთანხმებით, უკრაინისა და საქართველოს ნატო-ში ჩათრევას ცდილობდა, როცა საქართველოში სააკაშვილის, უკრაინაში კი იუშენკოს მთავრობა იყო“, - განაცხადა პუშკოვმა.

მისივე თქმით, ნატო-რუსეთის ურთიერთობებში კრიზისის მეორე მიზეზი ევროპაში რაკეტსაწინააღმდეგო სისტემის განლაგებაა, რომელიც, პუშკოვის აზრით, რუსეთის ინტერესების წინააღმდეგ არის მიმართული.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან