საქართველოში სომხეთიდან იმპორტირებულ თურქული წარმოშობის ქათმის ხორცში პათოგენები აღმოაჩინეს.

ამის შესახებ ინფორმაციას შემოსავლების სამსახური ავრცელებს.

„23 თებერვალს, შემოსავლების სამსახურის საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს ვეტერინარის მიერ, ვეტერინარული კონტროლის მონიტორინგის გეგმის თანახმად, სომხეთიდან იმპორტირებულ თურქული წარმოშობის „ქათმის გაყინული მექანიკურად განცალკევებული ხორციდან“ აღებულ ნიმუშში ლაბორატორიულად დადასტურდა „პათოგენები, მათ შორის, სალმონელები“, რაც დაუშვებელია“, - ნათქვამია შემოსავლების სამსახურის განცხადებაში.

მათივე ცნობით, ინფორმაცია, შესაბამისი ღონისძიებების გატარების მიზნით, სსიპ სურსათის ეროვნულ სააგენტოს მიეწოდა.

 საქართველოს კანონმდებლობის თანახმად, მავნებელი სურსათი  განადგურებას ან უკან, ექსპორტიორ ქვეყანაში გაბრუნებას ექვემდებარება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება