„სუფსაში ენერგეტიკული კომპლექსის მშენებლობა, საქართველოს ბიუჯეტის შემოსავალს,  თავდაპირველდ 50-60 მილიონი დოლარით, ხოლო შემდეგ 600- 700 მილიონით გაზრდის“,-ამის შესახებ  ნავთობკორპორაციის ყოფილმა პრეზიდენტმა გიორგი ჭანტურიამ „ექსპრესნიუსთან“  ინტერვიუში  განაცხადა.  

მისი თქმით, აღნიშნული პროექტი ჯერ კიდევ 1999 წელს აშშ-ს მთავრობის მხარდაჭერით დაიგეგმა და ამჟამად მისი განხორციელება  ქვეყანას დიდ სარგებელს მოუტანს.

„ამ კომპლექსის მშენებლობა ჯერ კიდევ  1999 წელს დაიგეგმა, როდესაც პირველად  ბაქო-სუფსის ნავთობ სადენის მშენებლობა დავიწყეთ და სუფსაში სახმელეთო ტერმინალი ავაშენეთ.  სწორედ მაშინ, აშშ-ს მთავრობამ  კომპანია „ოტის კაპიალი“-ს მიერ პროექტის ტექნიკური დასაბუთება დააფინანსა. ამჟამად კი, მისი განხორციელება საქართველოს ბიუჯეტის შემოსავალს თავდაპირველად 60-70 მილიონ დოლარით, ხოლო შემდეგ 600- 700 მილიონით გაზრდის, ასევე ხელს შეუწყობს მრავალი ადამიანის დასაქმებას და ეს საქართველოს ეკონომიკაზეც დადებითად აისახება“,-განაცხადა გიორგი ჭანტურიამ.

მან ასევე აღნიშნა, რომ სუფსაში ენერგეტიკული კომპლექსის მშენებლობის შედეგად, საქართველოს ბაზარზე ნავთობის ფასი 20%-ით  შემცირდება.
რაც შეეხბა ამ პროექტში საქართველოს როლს, ჭანტურაია მიიჩნევს, რომ საქართველოს მთავრობა პროექტის განხორციელების ინიციატორი უნდა იყოს, რადგან ინვესტორებისთვის გარანტორს სწორედ მთავრობა წარმოადგენს.

გიორგი ჭანტურიას ინფორმაციით,  თებერვალში საქართველოს,  ამერიკული კომპანია „ოტის კაპიალი“-ს წარმომადგენლები ეწვევიან, რათა მოლაპარაკებები საქართველოს მთავრობასთან, ენერგეტიკის სამინისტროსა და ეკონომიკის სამინისტროსთან აწარმოონ.
„ამ დროისვის პროექტის ტექნიკური დასაბუთება მზად არის.  თებერვალში საქართველოში,  ამერიკული კომპანია „ოტის კაპიალი“-ს წარმომადგენლები ჩამოვლენ, რათა მოლაპარაკებები საქართველოს მთავრობასთან, ენერგეტიკის სამინისტროსა და ეკონომიკის სამინისტროსთან  აწარმოონ . თუ რა შეთანხმებას მიაღწევენ მხარეები, შედეგიც მაგაზე იქნება დამოკიდებული“,-განაცხადა გიორგი ჭანტურაიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა