„სტუდენტებისგან მივიღე დავალება, რომ ოპერატიულად გადავწყვიტო მთავრობაში ყველა საკითხი“, - ამის შესახებ განათლებისა და მეცნიერების მინისტრმა ალექსანდრე ჯეჯელავამ  „აუდიტორია 115“ -თან შეხვედრის დასრულების შემდეგ ჟურნალისტებს განუცხადა.

მინისტრის თქმით, მან სტუდენტების  ყველა წინადადება მოისმინა შექმნილ ვითარებასთან დაკავშირებით და შეეცდება უმოკლეს ვადებში მოხდეს პრობლემის მოგვარება.

„ვფიქრობ, ეს არის ხალხი, რომელსაც უნდა უნივერსიტეტის განვითარება, წინსვლა და უნდა, რომ ყველა უმაღლესი დაწესებულება საქართველოში იყოს მოწინავე, პროგრესული და საერთაშორისო სტანდარტების შესაბამისი. მეც და სამონისტროც ვიზიარებთ ამ პოზიციას, რომ უნივერსიტეტი უნდა განვითარდეს. სიმწვავე არის კონკრეტულ საკითხებში. ეს შეეხება კონკრეტულად იმ საკითხებს, რაც პრემიერთან და სხვა ოფიციალურ პირებთან შეხვედრებისას შეთანხმდა. სტუდენტები პროცესის თითქოს გაწელვას გაგებით ეკიდებიან და ამისთვის მინდა, მადლობა ვუთხრა მათ. მაძლევენ საშუალებას, რომ მათთან ვიმუშაო კონსტრუქციულად. პირველ რიგში, იმ საკითხებზე, რომელიც არ ითმენს. ეს არის განათლების ფუნდამენტალურ ცვლილებასთან დაკავშირებული საკითხები, თვითმმართველობის სისტემასთან დაკავშირებული საკითხები. მე მივიღე სტუდენტებისგან დავალება, რომ ძალიან ოპერატიულად გადავწყვიტო მთავრობაში ეს საკითხები”,- განაცხადა ჯეჯელავამ 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფეიქრიშვილის საქმე: პროკურატურამ პენიტენციურის უფროსისთვის უფლებამოსილების შეჩერების რეკომენდაცია გასცა

გახარია საქართველოსთვის საპარლამენტო მანდატებზე უარს იტყვის საკონსტიტუციოს მიერ პარტიის აკრძალვის შემთხვევაში

Politico - ევროკავშირი წლის ბოლომდე უკრაინისთვის 45 მილიარდი ევროს ოდენობის სესხის გამოყოფას გეგმავს.

პაპუაშვილი - იმაზე სამჯერ მეტი ადამიანი მონათლა გუშინ პატრიარქმა ზემო აჭარაში, ვიდრე თბილისში აქციაზე ვიხილეთ