ოქტომბრამდე ევროპარლამენტში საქართველოსთვის ვიზალიბერიზაციის დაწესების საკითხის განხილვა მოსალოდნელი არ არის

2016-06-06 23:34:19, 846 ნახვა

პოლიტიკა

"ოქტომბრამდე ევროპარლამენტში საქართველოსთვის ვიზალიბერიზაციის დაწესების საკითხის განხილვა მოსალოდნელი არ არის" - ამის შესახებ ევროპარლამენტის წევრმა სარიუშ ვოლსკიმ სტრასბურგში, პრეზიდენტ გიორგი მარგველაშვილთან გამართული შეხვედრის შემდეგ განაცხადა.

მისი განცხადებით, შეხვედრის მთავარი თემა საქართველოში დემოკრატიის დეფიციტი იყო. ამასთან, საუბარი შეეხო პოლიტპატიმრებს, საკონსტიტუციო სასამართლოზე ზეწოლას, "რუსთავი 2-ს" და ზუგდიდში, დეპუტატებზე ზეწოლას.

"საუბარი შეეხო საქართველოში დემოკრატიის დეფიციტი იყო. საუბარი იყო პოლიტპატიმრებზე, მედიის დევნაზე, კონკრეტულად "რუსთავი2"-ზე, საკონსტიტუციო სასამართლოზე ზეწოლასა და ზუგდიდის მუნიციპალიტეტში გამართულ საარჩევნო პროცესის დროს დეპუტატებზე ზეწოლაზე. ჩვენ შევთანხმდით, რომ ევროპული დემოკრატიული სტანდარტების მიხედვით საქართველომ მსგავსი შემთხვევები უნდა აღკვეთოს," - განაცხადა სარიუშ ვოლკსკიმ.

მისივე განცხადებით, საქართველოსთვის ვიზალიბერალიზაციის დაწესება არ არის დამოკიდებული ქვეყანაში არსებულ მდგომარეობაზე დემოკრატიის კუთხით.

"ჩვენ ვამბობთ, რომ საქართველო ვიზალიბერლიზაციას მოგვიანებით მიიღებს, მაგრამ რაც უფრო მეტს გააკეთებს დემოკრატიის დეფიციტის აღმოსაფხვრელად, მით უფრო სწრაფად და მარტივად მოხდება ეს", - აღნიშნა სირიუშ ვოლსკიმ.

მან ასევე განმარტა, რომ ევროპარლამენტში საქართველოსთვის ვიზალიბერალიზაციის დაწესების საკითხზე განხილვის გადადება გამოწვეულია ევროკავშირის წევრ ქვეყნების შორის არსებული უთანხმოებით ე.წ. შეჩერების მექანიზმის დაწესების საკითხზე.

"ზოგიერთი წევრი სახელმწიფოს მოთხოვნით, სანამ რომელიმე ქვეყნისთვის ვიზალიბერალიზაცია დაწესდება, იქამდე უნდა დაწესდეს სავიზო რეჟიმის შეჩერების მექანიზმი", - განმარტა ევროპარლამენტის წევრმა.