იუსტიციის მინისტრი თეა წულუკიანი "არასამთავრობო ორგანიზაციების" მიერ  დაგეგმილ "საკონსტიტუციო სასამართლოს" შესახებ  ახალი კანონის  გასაჩივრებას გამოეხმაურა. როგორც წულუკიანმა ჟურნალისტებს განუცხადა, კანონში ვენეციის კომისიის ზოგიერთი მნიშვნელოვანი  შენიშვნა გათვალისწინებულია. მინისტრის შეფასებით, აღნიშნული კანონი საკონსტიტუციო სასამართლოს გააძლიერებს  და მას არა მხოლოდ  ერთი რომელიმე პარტიიდან, არამედ ყველას მხრიდან დიდი ნდობა ექნება:

"მეც, მთავრობამაც და ყველამ  ამ ხელისუფლებაში, ყველაფერი გავაკეთეთ იმისთვის, რომ საკონსტიტუციო  სასამართლოს გადაწყვეტილებები თუნდაც როგორც მათ უწოდებენ, ხმაურიანი, აღსრულებულიყო, შესრულებულიყო, რომ ამჟამინდელ მოსამართლეებს ამოეწურათ ბოლომდე თავისი ვადა და ასეთ პირობებში 30 სექტემბერს საკონსტიტუციო ვადის  ამოწურვისთანავე, დავემშვიდობებით 4 მათგანს  და ამით დაცული იქნება როგორც სასამართლოს დამოუკიდებლობა, ასევე კონსტიტუციური ვადები,  რომლითაც ისინი თავის დროზე იყვნენ დანიშნულნი, თუ არჩეულნი. ეს კანონი, რომელიც ჩვენ მივიღეთ და ვენეციის  კომისიის ზოგიერთი მნიშვნელოვანი შენიშვნა, რაც სახელმწიფომ,  სუვერენულმა ქვეყანამ ჩათვალა, რომ უნდა გაგვეთვალისწინებინა,  გავითვალისწინეთ, ვთვლი, რომ  გააძლიერებს  საკონსტიტუციო სასამართლოს, გააჯანასღებს  და აღადგენს მისდამი ნდობას არა მხოლოდ ერთი რომელიმე  პარტიიდან, არამედ ყველას მხრიდან  საკონსტიტუციო სასამართლოს ექნება დიდი ნდობა",-განაცხადა თეა წულუკიანმა.

საკონსტიტუციო სასამართლოში ამავე სასამართლოს შსახებ მიღებული ახალი კანონი გასაჩივრდება. სარჩელს სასამართლოში არასამთავრობო ორგანიზაციები შეიტანენ. მათი შეფასებით,  კანონი არაკონსტიტუციურია და  პრეზიდენტის გუნდმა ვენეციის კომისიის შენიშვნები საკუთარი ინტერპრეტაციით ასახა ვეტოში, რაც მათ მმართველ გუნდთან პოლიტიკური გარიგების ეჭვებს აღრმავებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს