საქართველოს პრეზიდენტი გიორგი მარგველაშვილი აფხაზეთისა და სამხრეთ ოსეთის პრობლემატიკასთან დაკავშირებით ექსპერტებს შეხვდა.შეხვედრას  ეროვნული უშიშროების საბჭოს მდივანი, მისი მოადგილე, ადმინისტრაციის უფროსი და ეკონომიკურ საკითხებში პრეზიდენტის მრჩეველი ესწრებოდნენ.
როგორც ეროვნული უშიშროების საბჭოს მდივნის მოადგილე ივლიანე ხაინდრავამ ჟურნალისტებს განუცხადა, დღევანდელ შეხვედრაზე აფხაზეთის რკინიგზის აღდგენის თაობაზე არ უსაუბრიათ. რაც შეეხება უშუალოდ ამ საკითხის შეფასებას, ივლიანე ხაინდრავა აცხადებს, რომ ქვეყნის უსაფრთხოებაზე ნომერ პურველი მოსაუბრე არაა.
"პრეზიდენტი აგრძელებს შეხვედრებს პოლიტიკური და საზოგადოებრივი ძალების წარმომადგენლებთან იმ ფორმატში, რომელიც დადგინდა ჯერ კიდევ შემოდგომაზე. ეს რიგით  მე-6 შეხვედრაა. ის შეეხება  აფახაზეთისა და სამხრეთ ოსეთის ბრობლემატიკას ზოგადად იმის თაობაზე, რომ ჩამოყალიბებული იყოს ერთიანი კონსოლიდირებული ქართული პოზიცია. ამ კონფლიქტების მოგვარების საკითხებთან დაკავშირებით. ზოგი მონაწილის სურვილით ისმევა ხოლმე რაღაც კონკრეტული საკითხები, მაგრამ ფორმატი განსხვავებულია.თუ თქვენ გაინტერესებთ მაინცდამაინც რეაქცია აბაშიძე-კარასინის ფორმატზე, ამის თაობაზე არსებობს პრეზიდენტის განცხადება და ეს პოზიცია ურყევია. აფხაზეთის რკინიგზის აღდგენის თემაზე საუბარი არც დღეს და არც  წინა შეხვედრებზე არ ყოფილა. ქვეყანაში არსებობენ ადამიანები, რომლებთა კომპეტენციაა ასეთი ტიპის საკითხებზე საუბარი.იქნება ეს საგარეო მიმართულებით მომუშავე ხელმძღვანელები,  თუ სხვა დარგში.მე არ ვარ ქვეყნის უსაფრთხოებაზე ნომერ პირველი მოსაუბრე",-აღნიშნა ივლიანე ხაინდრავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„ათასწლეულის ინოვაციის კონკურსის“ 10 ფინალისტი გუნდი გამოვლინდა. ლიბერთი, ბაზისბანკ ჯგუფი უკვე 5 წელია კონკურსის სტრატეგიული პარტნიორია

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები