საქართველო - ჩინეთის დიპლომატიური ურთიერთობების 25 წლისთავთან დაკავშირებით, საქართველოს პრეზიდენტმა ჩინეთის პრეზიდენტი საქართველოში მოიწვია. პრეზიდენტის მოწვევის სურვილი გიორგი მარგველაშვილმა ჩინეთის სახალხო რესპუბლიკის სახელმწიფო საბჭოს ვიცეპრემიერთან ჭანგ გაოლთან შეხვედრაზე გამოთქვა.

შეხვედრაზე მხარეებმა საქართველო-ჩინეთის მრავალწლიანი დიპლომატიური ურთიერთობების მნიშვნელობაზე ისაუბრეს და ორმხრივი ურთერთობების გაღრმავების საჭიროება განიხილეს.

საუბარი შეეხო „ახალი აბრეშუმის გზისა" და „აბრეშუმის გზის" პროექტებში საქართველოს ჩართულობის მნიშვნელობას, რომელიც ვაჭრობის, ეკონომიკისა და საქართველოს სატრანზიტო პოტენციალის განვითარების შესაძლებლობას ქმნის.

მხარეებმა ისაუბრეს ანაკლიის პორტის პროექტის სტრატეგიულ მნიშვნელობაზე და ინფრასტრუქტურული პროექტების განხორციელებაზე. ასევე ხაზგასმით აღინიშნა, იმ მოლაპარაკებების მნიშვნელობა, რომელიც საქართველო-ჩინეთს შორის თავისუფალი ვაჭრობის შესახებ ხელშეკრულებასთან დაკავშირებით მიმდინარეობს.

ჩინური მხარე დაინტერესდა საქართველოს საინვესტიციო პოტენციალით - ენერგეტიკის, ტურიზმის და სოფლის მეურნეობის სფეროებში. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სუს: უცხო ქვეყნის სპეცსამსახურის ჯაშუშობის ბრალდებით დაკავებულია საქართველოს 1 მოქალაქე, მხილებულია 2

მოლდოვის სასამართლომ პრორუს ოლიგარქ ვლადიმერ პლაჰოტნიუკს 19-წლიანი პატიმრობა მიუსაჯა

უნგრეთის ვეტოს მოხსნის შემდეგ, EU-მა უკრაინისთვის €90 მლრდ-ის სესხის პაკეტი დაამტკიცა

სასამართლომ ალეკო ელისაშვილი კვლავ პატიმრობაში დატოვა