კომპანია Facebook-მა ხელოვნური ინტელექტი შექმნა, რომლის მეშვეობითაც პროგრამა "ხვდება" თუ რას წერს მომხმარებელი სოციალურ ქსელში, მაშინაც კი თუ ის ჟარგონს იყენებს.

ტექნოლოგია, Deep Text, დაწერილი ტექსტის შინაარსს "ადამიანივით ხვდება".

კომპანიის წარმომადგენლების თქმით, აღნიშნული ტექნოლოგია მომსახურების გაუმჯობესების მიზნითაა შექმნილი. პროგრამული რობოტი, "სპამების" და მათ შორის სხვადასხვა შეტყობინებების ფილტრაციასაც ახორციელებს.

ტექნოლოგია კომპანიის სხვადასხვა პროდუქტზე, მათ შორის Messenger და საძიებო სისტემაზე, სატესტო რეჟიმში უკვე მუშაობს.

ასე მაგალითად, Messenger-ში ტექნოლოგია ხვდება თუ სად აპირებს გამგზავრებას მომხმარებელი ან რამის შეძენა/გაყიდვა ხომ არ სურს და შესაბამის ვებ გვერდებსა და საკონტაქტო ნომრებს სთავაზობს.

კომპანიის წარმომადგენლები Deep Text-ის გაუმჯობესებასა და განვითარებაზე მუშაობენ, იმისათვის, რომ ტექნოლოგიამ ჟარგონის და შემოკლებული ფრაზების გარჩევაც შეძლოს.

Facebook-ში აცხადებენ, რომ პროგრამა მომხმარებლების უკეთესად გაგებისათვისაა შექმნილი.

როგორც კომპანიის წარმომადგენლები აღნიშნავენ, ამ ეტაპისთვის ტექნოლოგია 20-ზე მეტ ენას არჩევს.

Quartz Tech News-ის წარმომადგენელი მაიკ მერფი აცხადებს, რომ მსგავს პროგრამას შესაძლოა ნეგატიური შედეგები მოჰყვეს.

მისივე თქმით, აღნიშნული ტექნოლოგია ერთი მხრივ საკმაოდ საინტერესოა, თუმცა მან შესაძლოა მომხმარებელი შეზღუდოს და მისი წვდომა უფრო ფართო სპექტრის რეკლამასა თუ სხვა სახის მომსახურებასთან იყოს შეზღუდული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კინოპროდიუსერი და კინოთეატრების ქსელ კავეას ხელმძღვანელი ოთარ ბუბაშვილი გარდაიცვალა

მარინ ლეპენი დემოკრატიის საფრთხის შესახებ აფრთხილებს და მაკრონის მთავრობას აკრიტიკებს

ფასების ზრდის წინააღმდეგ საპროტესტო აქციები: მილანში 50 ადამიანი დააკავეს, შეტაკებები ტურინსა და ბოლონიაშიც

თურქ მომღერალ ილიას იალჩინტაშს ნარკოტიკებთან დაკავშირებულ საქმეში მინიმუმ 10 წლით თავისუფლების აღკვეთა ემუქრება