პარლამენტში რიიგარეშე სხდომაზე  საკონსტიტუციო სასამართლოს შესახებ კანონში შეტანილ ცვლილებებთან დაკავშირებით პრეზიდენტის მოტივირებულ შენიშვნებს დღეს განიხილავენ.

როგორც ცნობილია უმრავლესობა ვეტოს დაძლევას არ აპირებს  და პრეზიდენტის პროექტს მხარს უჭერს. 

შეგახსენებთ, პრეზიდენტმა „საკონსტიტუციო სასამართლოს შესახებ“ კანონზე პარლამენტს 16-გვერდიანი მოტივირებული შენიშვნები 1 ივნისს გადაუგზავნა.

დოკუმენტში კანონპროექტის არსია მიმოხილული. მასში მოყვანილია, როგორც ვენეციის კომისიის რეკომენდაციები, ასევე, საერთაშორისო ორგანიზაციების პოზიციებია მოყვანილი.

პრეზიდენტი პარლამენტს კანონის თაობაზე შენიშვნებს ძირითადად, 3 საკითხზე სთავაზობს.

კერძოდ, გიორგი მარგველაშვილი მიიჩნევს, რომ გადაწყვეტილების მიღებისას კვორუმის აწევამ შესაძლოა განაპირობოს მოსამართლეთა უმცირესობის მიერ გადაწყვეტილების მიღების დაბლოკვა.

„საერთაშორისო სტანდარტების გათვალისწინებით, ეფექტიანი საკონსტიტუციო კონტროლის უზრუნველყოფის მიზნით, გთავაზობთ, განისაზღვროს, რომ საკონსტიტუციო სასამართლოს პლენუმი გადაწყვეტილების მისაღებად უფლებამოსილი იყოს იმ შემთხვევაში, თუ სხდომას ესწრება, სულ ცოტა ექვსი წევრი, ხოლო კონსტიტუციური სარჩელი დაკმაყოფილებულად და კონსტიტუციური წარდგინების თაობაზე დასკვნა მიღებულად ჩაითვალოს, თუ მას მხარს დაუჭერს პლენუმის სრული შემადგენლობის უმრავლესობა. გარდა ზემოაღნიშნული სპეციფიკური შემთხვევებისა, როცა პლენუმი გადაწყვეტილებაუნარიანი, თუ მის სხდომას ესწრება სულ.მცირე 7 წევრი, ხოლო გადაწყვეტილება მიღებულად ჩაითვლება, თუ მას მხარს დაუჭერს პლენუმის არანაკლებ 6 წევრისა", - აღნიშნულია პრეზიდენტის მიერ მომზადებულ შენიშვნებში.

ამასთან, დოკუმენტში ნათქვამია, რომ კანონიდან ის მუხლი უნდა ამოიღონ, რომელიც საკონსტიტუციო სასამართლოს მოსამართლის ვადის ამოწურვამდე დარჩენილ სამთვიან შეზღუდვას აწესებს.

გარდა ამისა, პრეზიდენტის აზრით, პლენუმისთვის განსახილველად გადაცემული საკითხის განხილვაზე უარის თქმის შემთხვევაში, გადაწყვეტილების მიღების კვორუმი უნდა შემცირდეს სრული შემადგენლობის უმრავლესობამდე. ამასთანავე, გიორგი მარგველაშვილი თვლის, რომ აღნიშნულის თაობაზე პლენუმის უარყოფითი განჩინება დასაბუთებას არ უნდა საჭიროებდეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს