"მაინტერესებს, გიორგი კვირიკაშვილს რა ინტერესი აქვს ჩემს მამაკაცურ საწყისებთან დაკავშირებით, მკითხოს და  შემიძლია პარამეტრების სიზუსტით ყველაფერი მოვახსენო",-ასე უპასუხა "რუსთავი2"-ის გენერალურმა დირექტორმა ნიკა გვარამიამ პრემიერ-მინისტრ გიორგი კვირიკაშვილის მიერ მის საპასუხოდ დღეს გაკეთებულ განცხადებას, სადაც კვირიკაშვილი ამბობს,რომ  გვარამია კაცი რომ იყოს, ბრალდებებზე პასუხს გასცემდა.

"ასეა, როდესაც ადამიანებს საპასუხო არაფერიაქვთ, ისინი გადადიან შეურაცხყოფებზე. პრემიერი დიდი ინტელექტუალური შესაძლებლობებით ისედაც არ გამოირჩეოდა და მაშინ, როცა იმაში ამხელენ, რაც ნამდვილად სიმართლეა, კერძოდ, იმაში, რომ ჯერ გრეჩიხას "შნირი" იყო და ახლა ივანიშვილის "შნირია" და ორივესგან ფულს იღებდა, ახლაც და მაშინაც, და სხვათაშორის, ორივე შემთხვევაში დანაშაულს ჩადიოდა, მას საპასუხო არაფერი აქვს და გადადის შეურაცხყოფაზე. ძალიან მაინტერესებს ჩემი მასკულინობის დეფიციტმა როდის და რატომ შეაწუხა,  რა ინტერესი აქვს ჩემს მამაკაცურ საწყისებთან დაკავშირებით მკითხოს და  შემიძლია პარამეტრების სიზუსტით ყველაფერი მოვახსენო",-განაცხადა ნიკა გვარამიამ.

შეგახსენებთ, "რუსთავი2"-ის გენერალურმა დირექტორმა ნიკა გვარამიამ განაცხადა, რომ  გიორგი კვირიკაშვილი ახალი მემარჯვენეების ფრაქციაში ფულით იყო ნაყიდი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს