სასოფლო-სამეურნეო კოოპერატივებისათვის პროგრამაში რეგისტრაცია დისტანციურად სასოფლო-სამეურნეო კოოპერატივების განვითარების სააგენტოს ვებ-გვერდზეა შეძლებელი.

სოფლის მეურნეობის სამინისტროს ინფორმაციით, სახელმწიფო პროგრამის ფარგლებში მეფუტკრეობისათვის საჭირო ინვენტარი: ხის სკა (რუტი, დადან ბლანტი) ან/და პენოპოლისტიროლი, ჯამურად 2200 ლიტრის მოცულობის თაფლის შესანახი  ჭურჭელი და თაფლის საწური (ციბრუტი) ღირებულების 30%-ად გადაეცემათ კოოპერატივებს.

სოფლის მეურნეობის სამინისტროს ლაბორატორია პროგრამაში მონაწილე თითოეული კოოპერატივის მიერ წარმოდგენილ თაფლის ერთ ნიმუშს უფასოდ ჩაუტარებს ლაბორატორიულ შემოწმებას.

პროგრამაში მონაწილე კოოპერატივები მიიღებენ   ტექნიკურ დახმარებას „თაფლის შესახებ ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 26 დეკემბერის  №714 დადგენილების ძირითადი მოთხოვნების დანერგვასთან დაკავშირებით.

მეფუტკრეობის სასოფლო-სამეურნეო კოოპერატივების მხარდაჭერის სახელმწიფო პროგრამაში ჩართული კოოპერატივების სკების აღრიცხვა-რეგისტრაცია ხორციელდება სკაზე შესაბამისი ნიშნის (სააღრიცხვო ბარათის) დამაგრებით,  როგორც მონაწილის საკუთრებაში არსებული, ისე კაპიტალური ინვესტირების ფარგლებში გადაცემულ სკებზე , რაც ხელს შეუწყობს  მიკვლევადობას და უზრუნველყოფს ხარისხიანი და უვნებელი თაფლის წარმოებას.

სახელმწიფო პროგრამაში მონაწილე კოოპერატივი რომელთა მეპაიეების 50%-ს შეადგენენ დევნილები და შშმ პირები პროგრამის ფარგლებში განსახორცილებელი კაპიტალური ინვესტირება გადაეცემათ მათი ღირებულების 20%-ად.

მეფუტკრეობის სახელმწიფო პროგრამაში რეგისტრაციის პირველი ეტაპზე 98 სასოფლო-სამეურნეო კოოპერატივმა  უკვე მიიღო 7588 სკა.

სახელმწიფო პროგრამაში რეგისტრაციის მეორე ეტაპის შედეგად  51 კოოპერატივს გადაეცემა 3609 სკა,  19 კოოპერატივი მიიღებს  19 ერთეულ თაფლის საწურს და ჯამურად 41, 800 ლიტრის მოცულობის  თაფლის შესანახ ჭურჭელს.

სახელმწიფო პროგრამაში რეგისტრაცია 10 ივლისამდე გაგრძელდება.

დეტალური ინფორმაცია იხილეთ:  www.acda.gov.ge

პროგრამაში რეგისტრაცია შესაძლებელია ბმულზე: http://acda.gov.ge/index.php/geo/static/175

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპის ადმინისტრაციამ განაცხადა, რომ რუსეთის წინააღმდეგ სანქციები რამდენიმე ქვეყნის მოთხოვნის საფუძველზე შეამსუბუქა

ტრამპმა შეადგინა ნატოს „ურჩი“ ქვეყნების სია, რომლებიც ვაშინგტონის სურვილით, დაისჯებიან

საქართველო „ღია მმართველობის პარტნიორობიდან “ (OGP) გარიცხეს

გავარმიას ინფორმაციით, ბერა ივანიშვილის და კახი კალაძის სამეგობროს ჩხუბის შემდეგ, ივანიშვილის მეგობრები სუს-მა დააკავა