შინაგან საქმეთა მინისტრმა გიორგი მღებრიშვილმა პოლიციელის პროფესიული დღისადმი მიძღვნილი ღონისძიება მისასალმებელი სიტყვით გახსნა. მან სამართალდამცველებს პროფესიული დღე მიულოცა და წარმატებები უსურვა.

გიორგი მღებრიშვილმა წუთიერი დუმილიოთ პატივი მიაგო სამსახურებრივი მოვალეობის შესრულების დროს დაღუპული პოლიციელების ხსოვნას.

მანვე იმ გამოწვევებზე ისაუბრა, რაც პოლიციის წინაშე იყო. განაცხადა, რომ შსს-მ კრიმინალს უკომპრომისო ბრძოლა გამოუცხადა.

"დღეს როგორც არასდროს, მნიშვნელოვანია, რომ ვიდგეთ ერთად და ჩვენი მისიის კეთილსინდისიერად შესრულებით, ჩვენ თავდადებით ხელი შევუწყოთ საქართველოს სტაბილურობასა და განვითარებას. ჩვენ გამოვუცხადეთ უკომპრომისო ბრძოლა კრიმინალს და ამ ბრძოლაში თითოეული თქვენგანის სულისკვეთებას გადამწყვეტი მნიშვნელობა აქვს.

მე კარგად მესმის, რომ პოლიციელების ერთიანობით ძალას ალტერნატივა არ აქვს. სწორედ ამიტომ, მსოფლიო გამოწვევების ფონზე, განსაკუთრებული როლი ენიჭება საერთაშორისო საპოლიციო თანამშრომლობას. ამ მიზნით ჩვენ გავაღრმავებთ, თანამშრომლობა პარტნიორ ქვეყნებთან, დანაშაულთან ბრძოლის კუთხით.

ბუნებრივია, ეს არ არის საკმარისი, ამიტომ ჩვენ მუდმივად ვითარდებით, რათა მაქსიმალურად მივუახლოვდეთ დასავლურ სტანდარტებს და ჯეროვნად გავუმკლავდეთ, არსებულ გამოწვევებს. ჩვენთვის მთავარი მონაპოვარი ის არის, რომ საქართველოს პოლიცია, როგორც არასდროს, არის საზოგადოებაზე ორიენტირებული. 2012 წლის შემდეგ, პოლიცია გახდა სრულიად აპოლიტიკური, რაც სამოქალაქო საზოგადოების ფუნდამენტური ღირებულებაა", - განაცხადა გიორგი მღებრიშვილმა.

პოლიციის დღისადმი მიღძვნილ საზეიმო ღონისძიებაზე შსს-ს სხვადასხვა სტრუქტურულმა დანაყოფმა პირადი შემადგენლობა, ტექნიკა და აღჭურვილობა წარადგინა. გიორგი მღებრიშვილმა გამორჩეულ თანამშრომლებს სამსახურეობრივი მოვალეობის სანიმუშოდ შესრულებისა და მიღწეული წარმატებებისთვის ვადამდელი წოდება მიანიჭა, ამასთან სამკერდე ნიშნები და მადლობის სიგელები პირადად გადასცა.

ღონისძიების ოფიციალური ნაწილის დასასრულს დამსწრე საზოგადოების წინაშე ვაჟთა გუნდი „მართვე“ და ქართული ნაციონალური ბალეტი „სუხიშვილები“ წარსდგებიან.

შეგახსენებთ, შინაგან საქმეთა სამინისტრო პოლიციელის პროფესიულ დღეს აღნიშნავს. საზეიმო ღონისძიებას ესწრებიან საქართველოს პრემიერ-მინისტრი გიორგი კვირიკაშვილი, მთავრობისა და პარლამენტის წევრები, საქართველოში აკრედიტებული დიპლომატიური კორპუსის წარმომადგენლები, მოწვეული სტუმრები: ლიტვის, მოლდოვისა და ბელორუსის შინაგან საქმეთა მინისტრები. ასევე სხვა ქვეყნების ოფიციალური პირები. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მახაშვილი - სერბეთის არჩევნების საკუთარ წარმატებად მონათვლა აჩვენებს, თუ რა ღრმა ილუზიებში იმყოფება ქართული არაკონსტიტუციური ოპოზიცია

კახა კალაძე საკონსტიტუციო სასამართლოში მიმდინარე მოვლენებზე: ოპოზიცია სასამართლოს ტრიბუნას მხოლოდ პოლიტიკური განცხადებებისთვის იყენებს

კირცხალია - ჩვენი აზრით, უნდა გასამართლდეთ და აიკრძალოთ იმიტომ, რომ თქვენ შექმენით წამების, მკვლელობისა და რეკეტის ძალადობრივი სისტემა

ირანის ელჩი ქართულ კომპანიების ირანის გავლით ავღანეთის სავაჭრო ბაზარს სთავაზობს