საქართველოს თავდაცვის სამინისტროს ინიციატივით, სენაკის სამხედრო ბაზაზე ნატოსა და უსაფრთხოების საკითხებზე ცნობიერების ამაღლების მიზნით, დასავლეთ საქართველოს ადგილობრივი თვითმმართველობების წარმომადგენლებთან საინფორმაციო შეხვედრა გაიმართა.

შეხვედრას საქართველოს სახმელეთო ჯარების დასავლეთ სარდლობის სარდალმა, პოლკოვნიკმა შალვა ჯაბახიძემ უმასპინძლა. თვითმმართველობების წარმომადგენლებთან შეხვედრაზე მოწვეულნი იყვნენ მომხსენებლები, როგორც სახელმწიფო უწყებებიდან, ასევე, არასამთავრობო ორგანიზაციებიდან. II ქვეით ბრიგადაში გამართულ კონფერენციას დასავლეთ საქართველოს თვითმმართველობის 40 წარმომადგენელი დაესწრო.

ღონისძიებაზე რეგიონში უსაფრთხოების, საქართველოს შეიარაღებული ძალების ნატოსთან თავსებადობისა და სამშვიდობო მისიებში მიღებული გამოცდილების საკითხებზე ისაუბრეს. განსაკუთრებული ყურადღება ნატო-საქართველოს ურთიერთობებზე და ვარშავის სამიტთან დაკავშირებულ მოლოდინებზე გამახვილდა.

სტუმრებს მოგვიანებით სენაკის სამხედრო ბაზა დაათვალიერებინეს და სამხედრო სადილით გაუმასპინძლდნენ.

თვითმმართველობების წარმომადგენელები (რწმუნებულების/გუბერნატორის, მერისა და გამგებლის მოადგილეების დონეზე) საქართველოს ევროკავშირში ინტეგრაციის სამთავრობო კომისიის 53-ე სხდომის გადაწყვეტილების შესაბამისად, მუნიციპალიტეტებში ევროპულ და ევრო-ატლანტიკურ სტრუქტურებში ინტეგრაციის საკითხებში პასუხისმგებელ პირებად დასახელდნენ.

საქართველოს თავდაცვის სამინისტროს სტრატეგიული კომუნიკაციების დეპარტამენტის მიერ ნატოსა და უსაფრთხოების საკითხებზე პირველი საინფორმაციო შეხვედრა 19 მაისს ვაზიანის სამხედრო ბაზაზე ჩატარდა, რომელსაც აღმოსავლეთ საქართველოს ადგილობრივი თვითმმართველობების 35 წარმომადგენელი დაესწრო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საერთაშორისო გამჭვირვალობა - - ვახო სანაია ისჯება ბიძინა ივანიშვილისა და „ქართული ოცნების“ რეჟიმის მხილების, პრინციპული პოზიციისა და საქართველოს ევროპული მომავლისთვის ბრძოლის გამო

ზურაბიშვილი ვახო სანაიაზე - საქართველო მოსკოვის სცენარს სიტყვასიტყვით იმეორებს

საქართველოს ექსპორტი $6.1 მილიარდამდე გაიზარდა - პირველ ადგილზეა მსუბუქი ავტომობილები

ჟურნალისტ ვახო სანაიას სოციალურ ქსელში დაწერილი პოსტის გამო 30-დღიანი პატიმრობა შეუფარდეს