ფინანსთა სამინისტროს დაცვის თანამშრომლებსა და აქციის მონაწილეებს შორის დაპირისპირება მოხდა

2015-02-26 12:19:09, 326 ნახვა

საზოგადოება

ეკონომიკური გუნდის გადადგომის მოთხოვნით, ფინანსთა სამინისტროსთან აქცია გაიმართა. აქცია ხმაურის ფონზე მიმდინარეობდა.

აქციის მონაწილეებსა და უწყების დაცვის თანამშრომლებს შორის ფიზიკური დაპირისპირებაც მოხდა.

"მე უნდა შევიდე და ავუხსნა ნოდარ ხადურს, რომ ის არ იმსახურებს ჩემი ჯიბიდან ფუქნციონირებას საქართვლეოში",-განაცხადა პარტია "თავისუფალი საქართველოს" გენერალურმა მდივანმა ალექსანდრე შალამბერიძემ.

აქციის მიმდინარეობისას კომენტარი გააკეთა ფინანსთა სამინისტროს პრესსამსახურმა:

"ორშაბათობით მინისტრს აქვს საზოგადოებასთან მიღების დღე დაწესებული, რაც შეეხება პოლიტიკურ პარტიებს, მითუმეტეს მათთან შეხვედრის არანაირი პრობლემა არ არსებობს, მაგრამ ყველაფერს აქვს თავისი ფორმა",-აღნიშნა მან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან