2016-05-26 15:17:49, 1271 ნახვა
რეგიონი
ბათუმს სტამბოლის მერი ესტუმრა
საქართველოს დამოუკიდებლობის დღესთან დაკავშირებით, ბათუმს ქალაქ სტამბოლის მერი ქადირ თოფბაში ეწვია.
სტამბოლის მერს ბათუმის ალექსანდრე ქართველიშვილის საერთაშორისო აეროპორტში აჭარის მთავრობის თავმჯდომარე არჩილ ხაბაძე, ქალაქ ბათუმის მერი გიორგი ერმაკოვი და თურქეთის რესპუბლიკის გენერალური კონსული დახვდნენ.
დღესვე ქადირ თოფბაში არჩილ ხაბაძესთან ერთად ბათუმის სახელმწიფო მუსიკალურ ცენტრში გამოფენას გახსნის, რომელზეც წარმოდგენილი იქნება ქართველი მხატვრებისა და თურქი ფოტოგრაფების ნამუშევრები. 17:00 საათზე კი მუსიკალურ ცენტრში ქართული და თურქული ანსამბლების მონაწილეობით კონცერტი გაიმართება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
