|
2016-05-25 12:58:27, 577 ნახვა
პოლიტიკა
გიორგი მარგველაშვილი ლატვიის პარლამენტის თავმჯდომარეს შეხვდა
საქართველოს პრეზიდენტმა გიორგი მარგველაშვილმა ლატვიის პარლამენტის თავმჯდომარესთან ინარა მურნიეცესთან გამართა შეხვედრა. პრეზიდენტის ადმინისტრაციის პრესსამსახურის ინფორმაციით, მხარეებმა საქართველოსა და ლატვიას შორის მრავალწლიანი წარმატებული თანამშრომლობის შესახებ ისაუბრეს. გიორგი მარგველაშვილმა ლატვიურ მხარეს მადლობა გადაუხადა საქართველოს სუვერენიტეტისა და ტერიტორიული მთლიანობის, ასევე ჩვენი ქვეყნის ევროპული და ევროატლანტიკური მისწრაფებების მხარდაჭერისათვის. შეხვედრაზე ხაზი გაესვა, რამდენიმე დღის წინ, სოფელ ხურჩაში მომხდარ შემაძრწუნებელ ინციდენტს. შეხვედრაზე ყურადღება გამახვილდა ევროპული დღის წესრიგის ფარგლებში საქართველოში მიმდინარე რეფორმებზე. საუბარი ევროკავშირთან უვიზო მიმოსვლის საკითხსა და ნატო-ს ვარშავის მოახლოებულ სამიტსაც შეეხო. აღნიშნულთან დაკავშირებით ლატვიის პარლამენტის თავმჯდომარემ საქართველოს პრეზიდენტს სრული მხარდაჭერა აღუთქვა. მხარეებმა მოახლოებული არჩევნებისა და წინასაარჩევნო გარემოს შესახებაც ისაუბრეს და იმედი გამოთქვეს, რომ არჩევნები სამართლიანი, დემოკრატიული და საერთაშორისო სტანდარტების სრული დაცვით ჩატარდება. შეხვედრის დასასრულს საქართველოს პრეზიდენტმა კიდევ ერთხელ გადაუხადა მადლობა სეიმის თავმჯდომარეს საქართველოს დამოუკიდებლობის აღდგენის 25 წლისთავთან დაკავშირებით სტუმრობისათვის. თავის მხრივ სეიმის სპიკერმა, მიულოცა საქართველოს ეს მნიშვნელოვანი თარიღი და კიდევ ერთხელ დაუდასტურა ლატვიის მტკიცე მხარდაჭერა. შეხვედრას საქართველოს ეროვნული უშიშროების საბჭოს მდივანი ირინე იმერლიშვილი და პრეზიდენტის საგარეო ურთიერთობათა მდივანი თენგიზ ფხალაძე ესწრებოდნენ.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)