"დარწმუნებული ვარ, ნებისმიერ საშუალო ჭორვილელი გლეხი ბევრად უფრო განვითარებულია, ვიდრე ეს კაცი" - ასე აფასებს ყოფილი პრეზიდენტი მიხეილ სააკაშვილი ბიძინა ივანიშვილს მისი [ივანიშვილის] მხრიდან ტექნოლოგიურ უნივერსიტეტის შესახებ გაკეთებული განცხადების შეფასებისას, სადაც ივანიშვილმა თქვა, რომ ტექნოლოგიური უნივერსიტეტის იდეა მას ეკუთვნის და არა მიხეილ სააკაშვილს.

„ვერც განათლებას იყიდი, ვერც კულტურას და ვერც ინტელექტს. დარწმუნებული ვარ, ნებისმიერ საშუალო ჭორვილელი გლეხი ბევრად უფრო განვითარებულია, ვიდრე ეს კაცი. ამ კაცს ერთი ნიჭი აქვს განვითარებული მხოლოდ, პათოლოგიური მატყუარაა, ცრუპენტელაა,“ - განაცხადა მიხეილ სააკაშვილმა.

ყოფილი პრეზიდენტი ბიძინა ივანიშვილის მიერ მისთვის ბოტანიკური ბაღის ტერიტორიის შეთავაზების შესახებ გაკეთებულ განცხადებასაც "ტყუილს" უწოდებს და ტექნოლოგიური უნივერსიტეტის შესახებ ივანიშვილთან საუბრის დეტალებს იხსენებს.

„ერთ-ერთი პროექტი, რომელიც მე მას შევთავაზე ძალიან დაყვავებით, მაგრამ მტკიცედ, იყო ტექნოლოგიური უნივერსიტეტი. ცივი უარი მივიღე. ეს კაცი არა მარტო გაუნათლებელია, არამედ განათლების მტერია. ახლა საუბრობს ახალ ტექნოლოგიური უნივერსიტეტის აშენებაზე, რომელიც როდესმე იქნება. მაგ კაცს დებილები ხომ არ ვგონივართ, რამდენი უნდა იძახოს, რომ რაღაც იქნება საოცარ მეოთხე წელის დაპირებებში,“ - განაცხადა მიხეილ სააკაშვილმა გადაცემა "არჩევანში". 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში კიდევ ერთი ქართველი მებრძოლი ბაჩო ბებია დაიღუპა

კალასი: საქართველო დემოკრატიის უკუსვლიდან შემობრუნების არანაირ ნიშანს არ აჩვენებს

ზელენსკის თქმით, დრუჟბას ნავთობსადენი ოპერაციების განახლებისთვის მზადაა

იოზვიაკი წერს, რა განიხილეს EU-ის მინისტრებმა დღევანდელ შეხვედრაზე საქართველოზე