|
2016-05-24 18:18:48, 571 ნახვა
პოლიტიკა
უნგრეთში საქართველოს დამოუკიდებლობის აღდგენის 25 წლისთავის აღსანიშნავი მიღება გაიმართა
უნგრეთში საქართველოს საელჩოს ორგანიზებით, ბუდაპეშტში მდებარე სასტუმრო "Corinthia"-ს სამეჯლისო დარბაზში, საქართველოს დამოუკიდებლობის აღდგენის 25 წლისთავის აღსანიშნავი ოფიციალური მიღება გაიმართა. ღონისძიების ფარგლებში მოეწყო ცნობილი ქართველი პიანისტის ელისო ბოლქვაძის კონცერტი. საქართველოს ელჩმა ისაუბრა საქართველოს სტრატეგიულ მიზნებზე და მიღწევებზე, ხაზი გაუსვა უნგრეთის სახელმწიფოს მხარდაჭერას როგორც საქართველოს ტერიტორიული მთლიანობისა და სუვერენიტეტის მიმართ, ასევე ევროპული და ევრო–ატლანტიკური ინტეგრაციის კუთხით. უნგრეთის საგარეო საქმეთა სამინისტროს სახელმწიფო მდივნის მოადგილემ აღნიშნა ორ ქვეყანას შორის ურთიერთობების განვითარების დინამიკა და მომავალში ამ ურთიერთობების კიდევ უფრო გაღრმავების იმედი გამოთქვა. მიღების ფარგლებში ქართველმა პიანისტმა, იუნესკოს მშვიდობის არტისტმა ელისო ბოლქვაძემ შეასრულა შოპენის, დებიუსისა და პროკოფიევის ნაწარმოებები. უნგრული ვოკალური ანსამბლის „Ars Nova Sacra"-ს შესრულებით აჟღერდა საქართველოსა და უნგრეთის ეროვნული ჰიმნები. მიღებას ესწრებოდნენ უნგრელი პოლიტიკოსები, დიპლომატიური კორპუსის, კულტურის, ხელოვნებისა და სამეცნიერო წრეების წარმომადგენლები, უნგრეთის უმაღლესი სასწავლებლების ქართველი სტუდენტები, უნგრეთში მცხოვრები ქართული დიასპორის წარმომადგენლები. ღონისძიებაზე დამსწრე საზოგადოებას საშუალება ჰქონდა დაეგემოვნებინა ქართული ღვინო და ქართული კერძები.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)