|
2016-05-14 17:05:49, 606 ნახვა
პოლიტიკა
გიორგი კვირიკაშვილმა თანაგუნდელებს მოსახლეობასთან ”პირდაპირი შეხვედრების” დაწყება დაავალა
პრემიერ-მინისტრმა, პარტია „ქართული ოცნება -დემოკრატიული საქართველოს“ თავმჯდომარე გიორგი კვირიკაშვილმა თანაგუნდელებს ხვალიდან მოსახლეობასთან ”პირდაპირი შეხვედრების” დაწყება დაავალა. როგორც კვირიკაშვილმა სპორტის სასახლეში მიმდინარე ყრილობაზე განაცხადა, ყველაფერს გააკეთებს, რომ „ქართული ოცნება“ იყოს წარმატებული ადამიანების გუნდი, რომელიც ქვეყნის სამსახურში უანგაროდ იდგება. „ახალ დღის წესრიგს, რომელსაც დღევანდელი რეალობა გვიყენებს, ჩვენი პარტია განახლებული გუნდით ხვდება. ჩვენ მზად ვართ ვუპასუხოთ ამ ამოცანებსა და გამოწვევებს. უახლოეს მომავალში ჩვენს რიგებში იხილავთ ბევრ ახალ ადამიანს, ბევრ პროფესიონალს, რომლებიც, დარწმუნებული ვარ, სრულიად განსხვავებულ, პოზიტიურ დინამიკას შემოიტანენ არა მარტო ჩვენს პარტიაში, არამედ ზოგადად ქართულ პოლიტიკაში. დღეიდან, როგორც პარტია ,,ქართული ოცნების“ თავმჯდომარე, პირადად ვიღებ პასუხისმგებლობას ჩვენი გუნდის საქმიანობაზე და ყველაფერს გავაკეთებ იმისათვის, რომ ეს იყოს წარმატებული ადამიანების გუნდი, რომელიც უანგაროდ იდგება ქვეყნის სამსახურში. მინდა ვისარგებლო შემთხვევით და მივმართო ყრილობის დელეგატებს, საკრებულოების ,,ქართული ოცნების“ ფრაქციების წარმომადგენლებს, მიიღეთ ეს დავალებად - ხვალიდანვე დაიწყეთ პირდაპირი შეხვედრები მოსახლეობასთან, კონკრეტულად განსაზღვრეთ პრობლემები ადგილებზე, რათა კიდევ უფრო ზუსტი ინფორმაცია გვქონდეს ჩვენი ხალხის საჭიროებებზე”, - მიმართა გიორგი კვირიკაშვილმა ყრილობის მონაწილეებს. ცნობისთვის, სპორტის სასახლეში „ქართული ოცნება -დემოკრატიული საქართველოს“ რიგით მე-4 ყრილობა მიმდინარეობს.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
უკრაინის თავდაცვის ძალებმა ბოლო 24 საათის განმავლობაში კიდევ 1070 ოკუპანტი გაანადგურეს - გენერალური შტაბი
კიევში შეიარაღებულმა პირმა ავტომატური იარაღიდან ცეცხლი გაუხსნა ხალხს, არიან დაღუპულები და დაჭრილები.
ვიდეო/LIVE პატრიარქის ილია მეორის დაკრძალვა - პირდაპირი
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)