იურიდიულ საკითხთა და ადამიანის უფლებათა დაცვისა და სამოქალაქო ინტეგრაციის კომიტეტების გაერთიანებული სხდომაზე, სადაც ახალგაზრდა იურისტთა ასოციაციის თავმჯდომარე ანა ნაცვლიშივილი  იუსტიციის უმაღლესი საბჭოს საქმიანობის მონიტორინგის 2015 წლის ანგარიშსს წარადგენდა, ეკა ბესელია და ჩიორა თაქთაქიშვილი ერთმანეთს დაუპირისპირდნენ.

ანა ნაცვლიშვილი ამა თუ იმ საქმისთვის კონკრეტული მოსამართლის დახვედრებასთან დაკავშირებით არსებულ კითხვებზე საუბრობდა. ადამიანის უფლებათა დაცვის კომიტეტის თავმჯდომარე ეკა ბესელიამ, "ნაციონალური მოძრაობის" ხელისუფლების პერიოდში მომხდარი მსგავსი ფაქტები გაიხსენა, რამაც უმცირესობის წევრი ჩიორა თაქთაქიშვილი გააღიზიანა:

"კონკრეტული საქმისთვის კონკრეტული მოსამართლის მორგებაზე მე ვიხსენებდი,  ერთ-ერთი რაიონული სასამართლოს მოსამართლე გადმოიყვანეს თბილისში, ის მოსამართლე იხილავდა ერთ-ერთ გახმაურებულ საქმეს,   ახალაიას საქმეზე. ასეთი შემთხვევები იყო. უნდა დავაკვირდეთ ტენდენციას", - აღნიშნა ბესელიამ და ჩიორა თაქთაქიშვილს, რომელიც საუბარში ჩაერთო, რეგლამენტის დაცვისკენ მოუწოდა.

"ასე არ გამოვა", - უპასუხა თაქთაქიშვილმა.

"როგორ გამოვა, ქალბატონო ჩიორა. რატომ აგაღელვათ ასე ამან,  წარსული ხომ არ გაგახსენათ? გამორთეთ მიკროფონი". სასამართლო კაირა, ყველაფერი ხელთ გეპყრათ და აკონტროლებდით ყველა მოსამართლეს, ამ თემაზე ხმას ნუ იღებთ. თქვენ ნუ ლაპარაკობთ დეპოლიტიზირებაზე. გამოურთეთ მიკროფონი, თუ არ გამორთავს, გაბრძანდება სხდომიდან",-აღნიშნა ბესელიამ.

"ამის თაობაზე თქვენი საკუთარი გუნდის წევრებს მიუთითეთ",-მიუგო თაქთაქიშვილმა.

"მე არ მოგცემთ უფლებას,  აქ მიტინგი ჩაატროთ.გაიყვანეთ თუ შეიძლება ქალბატონი ჩიორა სხდომათა დარბაზიდან",-მიუთითა ბესელიამ მანდატურის სამსახურის თანამშრომლებს.

"როგორ გამიყვანენ იმასაც ვნახავთ",-განაცხადა ჩიორა თაქთაქიშვილმა და სხდომა არ დატოვა.

ამის შემდეგ ეკა ბესელიამ სხდომის შეწყვეტის გადაწყვეტილება მიიღო და აღნიშნულის თაობაზე პასუხისმგებლობა ჩიორა თაქთაქიშვილს დააკისრა:

"სხდომას შევწყვეტ  ქალბატონი ჩიორას მიზეზით. სხდომის ჩატარების შესაძლებლობას არ გვაძლევს ქალბატონი ჩიორა, ეს არ არის მიტინგი.ვწყვეტთ სხდომას. ცალკე გავაგრძელებთ ქალბატონ ანასთან საუბარს.დავასრულე ამით სხდომა. თქვენ იღებთ პასუხისმგებლობას იმაზე, რომ შლით სხდომას. ელემენტარული ეთიკა უნდა დაიცვათ. არ ვაპირებ ამ არანორმალურ ვითარებაში გავაგრძელო ეს სხდომა",-განაცხადა ეკა ბესელიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

WSJ: დუბაის სასამართლომ რუსეთიდან საწვავის 700 მილიონი დოლარის გაყიდვები გაყინა

მოსკოვის ციხეში პუტინის კიდევ ერთი კრიტიკოსი რეჟისორი ალექსანდრ კონდრატოვი გარდაიცვალა

AnchorGPC-ის დაბადების დღეზე საქართველოს ბანკის მომხმარებლები სპეციალური შეთავაზებით ისარგებლებენ

ისარგებლე ყოველდღე ქეშბექ შეთავაზებებით საქართველოს ბანკის SUPER ნაკრების ფარგლებში