„ვინ ეკითხება ლევან ბერძენიშვილს, ან მეორეს, სად წავალ და ვის გარიცხავენ და ვის არ გარიცხავენ, არავის თითის დასაქნევი არ მაქვს, შიგნით იქნება, თუ გარეთ“,-ასე გამოეხმაურა „ქართული ოცნების“  დეპუტატი თამაზ მეჭიაური მასთან დაკავშირებით „რესპუბლიკური პარტიის“ წევრის ლევან ბერძენიშვილის განცხადებებს.

მეჭიაურის თქმით, „რესპუბლიკელებმა“ თავის დროზე „ქართულ ოცნებას“ შანტაჟის გზით  ბევრი ისეთი გადაწყვეტილება მიაღებინეს, რომელმაც პარტიაც და ქვეყანაც დააზარალა:

„ჯერ ერთი ვინ ეკითხება ლევან ბერძენიშვილს, ან მეორეს, სად წავალ და ვის გარიცხავენ და ვის არ გარიცხავენ, არავის თითის დასაქნევი არ მაქვს, შიგნით იქნება, თუ გარეთ. ამას ცალსახად მინდა ხაზი გავუსვა. მეორე, ამით ისინი აკეთებენ იმის ილუსტრირებას, რომ თავის დროზე “ქართულ ოცნებას” ისინი იყენებდნენ, როგორც სატელიტ პარტიას და მაქსიმალურად ჩაიგდეს სადავეები ხელში, ფაქტობრივად, შანტაჟის გზით ბევრი გადაწყვეტილება მიაღებინეს ისეთი, რომელმაც მთლიანობაში ქვეყანაც დააზარალა და „ქართული ოცნებაც“. თუ სადმე „ქართული ოცნების“  რეიტინგის კლებას აქვს ადგილი, ეს მათი დიდი დამსახურებაა, იმდენად რამდენადაც, მათთან ასოცირდება, ადრე უწოდეს ამ პარტიას, ფითრის როლს ასრულებსო, ხეს მოეკიდებიან, ხე ხმება, ის კიდევ მწვანეა. ასე უნდათ კიდევ სადღაც გადაინერგონ”,-განაცხადა თამაზ მეჭიაურმა.

შეგახსენებთ, დღეს პარლამენტის  ევროინტეგრაციის კომიტეტის თავმჯდომარე ლევან ბერძენიშვილმა მეჭიაური მწვავედ გააკრიტიკა და  განაცხადა, რომ თამაზ მეჭიაური „ქართულ ოცნებას“ ისევ ისე დაღუპავს, როგორც საკუთარ  თავს ღუპავს.

„მაინტერესებს, ამ დაუოკობელ კაცს ვინმე გააჩერებს თუ არა? თვითონ რომ არ გაჩერდება, ეს მესმის. მეჭიაური პირობებს ნუ გვიყენებს, რადგან ჩვენ პარტია ვართ, მეჭიაური კი ადამიანია, რომელთა შორის დიდი განსხავავებაა. ისტორიის მანძილზე, პარტიას მოპოვებული აქვს რაღაც, მეჭიაურმა რა მოიპოვა და რა ავტორიტეტი აქვს, ეს არ მკითხოთ და არ მითხრათ, რომ ნატოში მის ბიოგრაფიას სწავლობენ. ის საფინანსო ინსპექციის დონეზე ავიდა და ერთხელ ინსპექტორიც კი იყო, მაგრამ ნატოში ამ კაცის შესწავლას არ დაიწყებენ. მისი პირობები სასაცილოა. საერთოდ, ის იუმორისტულ ფიგურად ყალიბდება და ვიცინებდით, რომ სერიოზული არ იყოს ის, რასაც ამბობს. მან ამერიკასა და ბრიტანეთს შეურაცხყოფა მიაყენა, რადგან ეს ქვეყნები გვეხმარებიან და მათ ტექნიკა ჩამოიტანეს. ჩვენ ვამბობთ, არ გვინდა ამერიკისა და ბრიტანეთის პარტნიორობა, მეჭიაურის გვირჩევნია. რაში მადარდებს, მეჭიაური სიაში იქნება თუ არა?ის იმ პარტიას დაღუპავს, ისევე როგორც თავს იღუპავს“, - განაცხადა ლევან ბერძენიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროსაბჭოს კომისარმა საქართველოს ხელისუფლებას შემზღუდავი კანონების გაუქმებისკენ მოუწოდა

კალასი: ევროკავშირმა შესაძლოა კვლავ წამოჭრას „ოცნებისა“ და ივანიშვილის წინააღმდეგ სანქციების საკითხი

ესტონეთი ევროკავშირს „ქართული რეჟიმის“ წინააღმდეგ პერსონალური სანქციების დაწესებისკენ მოუწოდებს

სარჯველაძე : რა ვადაში იქნება ნაპოვნი კონკრეტული პასუხი - ჩემთვის მითუმეტეს შეუძლებელია იმის ფონზე, რომ ამას ვერ ამბობს ინგლისის ხელისუფლება, ვერ ამბობს EMA