საქართველოს პარლამენტის თავმჯდომარე, დავით უსუფაშვილი კამპანია „ეს შენ გეხებას“ წარმომადგენლებს შეხვდა.

შეხვედრაზე კამპანიის იმ საკანონმდებლო ინიციატივებზე ისაუბრეს, რომლებიც სახელმწიფო უსაფრთხოების სამსახურზე საპარლამენტო კონტროლის გაძლიერების მექანიზმებს, ფარული მიყურადების საკითხის დარეგულირებას და დამოუკიდებელი საგამოძიებო მექანიზმის შექმნას ეხება.

უსუფაშვილის შეფასებით, დამოუკიდებელი საგამოძიებო ორგანოს შექმნის საკითხი რთული და კარგად შესასწავლი თემაა და ასეთ რეფორმას მყარი პოლიტიკური მხარდაჭერა სჭირდება. „მეორე საკითხი ეხება მოსმენების თემას, რომელზეც საკონსტიტუციო სასამართლომ მიიღო გადაწყვეტილება და 2017 წლის მარტიდან ის მოდელი, რომელიც კანონშია, დაკარგავს ძალას და პარლამენტი, უბრალოდ, ვალდებული ვართ, მივიღოთ შესაბამისი ზომები. წარმოდგენილია ამ საკითხის გადაწყვეტის ერთ-ერთი ვერსია. არ ვიცი, ეს არის საუკეთესო ვერსია თუ შეიძლება იყოს ამაზე უკეთესი, მაგრამ ამაზეც მუშაობა დასაწყებია.

რაც შეეხება მესამე საკითხს, ეს იყო დამოუკიდებელი საგამოძიებო ორგანოს შექმნის საკითხი. ვთვლი, რომ ეს არის საინტერესო, მაგრამ უფრო რთული და კარგად შესასწავლი თემა, რადგან ეს ეხება სამართალდამცავ სისტემას და ზოგადადაც, მგონია, რომ ასეთ რეფორმას სჭირდება გაცილებით მეტი და მყარი პოლიტიკური მხარდაჭერა, ვიდრე ეს შეიძლება ჰქონდეს მიმავალ პარლამენტს. ვთხოვე ავტორებს, რომ მეტი მასალა მომაწოდონ, რომ გავეცნო უფრო კარგად“,- განაცხადა დავით უსუფაშვილმა ჟურნალისტებთან საუბრისას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

სარჯველაძე დიუშენის საკითხის აქტუალიზაციაზე ამბობს, რომ არაკვალიფიციურობით გამოწვეული მცდარი შეხედულებების ტირაჟირება მიმდინარეობს

მაღაზიების ძარცვის ბრალდებით, წარსულში ნასამართლევი 15 წლის მოზარდი დააკავეს

ციფრული ტრანსფორმაციის პრაქტიკული შედეგები: როგორ ცვლის „თეგეტა ჰოლდინგი“ იურიდიულ პროცესებს Lawformer-თან პარტნიორობით

თიბისი კაპიტალმა მაკროეკონომიკური განახლება გამოაქვეყნა განახლებული პროგნოზები: უფრო მაღალი ეკონომიკური ზრდა, ინფლაცია, და სტაბილური ლარი